يا أمي .. إنت .. حياتي
بدونك الدنيا ظلام
إنت المعاك بيحلو الكلام
إنت الحياة..
إنت التعبتي سنين لمن ضقتي مذاق العناء
إنت الحياة..
إنتي و ربي الهواء البتنفس بيهو أنا
***
من شدة حبي ليك كتبت ليك أشعار
متأكد ما حـ يوصفوك بس حبي نار
ما قادر أعبر.. فـ عبري يا أوتار
***
يا عزيزة .. مكانك إنت في القلب
حبي ليك خيال ، فـ كيف في الورق ينكتب ؟؟
من نظرة عيني بتعرفي الحاصل علي
ربي يطول في عمرك و يخليك لي
إنت الربيتيني .. إنت العلمتيني
إنت الواقفة جمبي طول عمري وسنيني
بـ دعواتك السمحة ، أنا أسعد إنسان
كل همك تشوفيني ناجح ، و أنا أوعدك كمان
أكون عند حسن ظنك مهما طال الزمان
و ربي أسعدك.. إنت تحت أقدامك الجنان
بس خايف أعمل و أعمل ، و برضو ما أوفي ليك
إنت حقك كتير كفاية بس دمعة عينيك
لو مساني أي مكروه ..
بتكوني زي غريب خلاص بدأ يتوه
ما فاهم الحاصل ، و لا عارف يمشي وين
بس همو كلو .. يوصل ديارو متين
***
يا أمي .. إنت .. حياتي
بدونك الدنيا ظلام
إنت المعاك بيحلو الكلام
إنت الحياة..
إنت التعبتي سنين لمن ضقتي مذاق العناء
إنت الحياة..
إنتي و ربي الهواء البتنفس بيهو أنا
