تايه و لا حد لاقيني
فاكر و الكل ناسيني
شايب و الهم ساقيني
و الريح على فين شايلة؟
سامع دقّات ألحاني
جوايا كتير آه ياني
عـ المر أنا إيه إللي رماني؟
و للنار الروح مايلة
لا الخير سائل فيا
و النور واحشُه عينايا
أنا إيه إللي حصل ليا
و ليه بموت أكتر ما بعيش؟
ياما كنت بتوب لكن
في القلب يعيش ساكن
الدم أسود داكن
و نهايته كدة على مفيش
سجن و لابِد جواه
كل أما أهرب بلقاه
واخد مـ الوحدة نجاة
و في الضلمة أنا تايه منّي
و نهايته إيه الموّال؟
شغال صبا و أهوال
و أنا قلبي ليه ميال
و عـ الحال ده أنا ياما بغني
تايه و لا حد لاقيني
فاكر و الكل ناسيني
تايه و لا حد لاقيني
فاكر و الكل ناسيني
