يا رب اوهبلي بلكونة
تطل عليا و شكلي سليم
اشوفني قبل ما اتكسر
و اشوف الحلم متفسر
و اهرب من جري ورا فرصة
بعيدة كلها خيالات
يا رب اوهبلي بالونة
تحرك فيا طفل قديم
اشوفني قبل ما اتأثر
و اشوف ان الحياة اقصر
و اهرب من جري ورا قصة
بطلها كان حي و مات
يا رب اكفيني شر الناس
و شر كلامهم المعسول
بياخدوا حقي من ايدي
شايفين ان ده معقول
يا رب اكفيني شر القول
و شر الجرح لو هيطول
و شر غريب صبح عادي
و شر الذكرى و الماضي
يا رب انصرني على ضعفي
يا رب انا بكره النهايات
