كُنا أعز اتنين
دايماً متصاحبين
علشانى ضحيت ب حاجات
وأنا فاكر حضنها ب الذات
ولما بجيب سيرتها عينيا بتبكى م الفرقة وم الحكايات
كنا أعز اتنين
تسمع صوتى حزين
تتعبلى وعليا تخاف
كان دايماً قلبها خواف
وهى أحن واحدة مهما قابلنى ف الدنيا ومهما حاشوف
ياما جينا وروحنا - وزعلنا كتير وفرحنا - والناس تبعد إلا إحنا - مع بعض سنين وسنين
وليالى سِهرنا - نحكى لبعض ف أسرارنا - ونشوف مع بعض صورنا - أيامها الحلوة دى فين
ومين بسهولة ينسى حبيية قلبه مهما يلاقى ناس تانين
هى بقيت ف مكان
وأنا عايش ف مكان
وحبايب الروح ب الروح
مشاعرنا مش سهل تروح
دى كانت حب عمرى حبيبتى وأمى وفاكرها لفين مابروح
