راكش وحداني في دروج سكالية
ظهري اللي قوّس و خلاّها بيّا
منقّص في volume الكاسك بيديّا مستحفظ بويا موش شالق عليّا
راكش وحداني في ليلي في ليلي نكتب مخدّر متوحشّ شهيلي
كيما عرفتوني ما نحرّف الكلمة مخلّيها الجملة
و زيد ضارب ستيلي
تمنّيت نفرّح جمهوري و عائلتي منغير ما نحكي
اللي صرالي و مشكلتي
لقيت اختي روونه في منامي حزينه تهرب
و نجري محتاره في صورتي
مكتوب بنت امي علاش هاربة ملهوفة
حدفت اللي فيدي سيقارو و شقوفه حبّست و نلهف
موش فاهم ظروفي نكتب متعوّد هالمرّة شتشوفي
قولي شتشوفي و صارحي بأفعالي
نبطّل موزيكا يتحطّم مورالي
هربتي و خليتي طلوله في توالي
مقلّع و طاير واش قدري خبّالي
و صارحيني يا زييييييني
نجري و ذيوبه في منامي لاحقيني
صارحيني يا زيييييني j’ai
منحبّ نفيق و ما نحب يقتلوني
مكتوب و صارحيني احكي يا زيني
أحكيلي أغلاطي موش حاب تسيبيني
مكتوب و صارحيني
نتوب و صارحيني
ما تبكّي عيني قوليلي اغلاطي تو نفهم الدوني
مكتوب و صارحيني
نجري و ذيوبة ما بغات تسيّبني ،
ظلام و كان ضو من بعيد مراقبني ،
نجري نحب ندخل الضو نتلّفها مجموعة مذايب تنهش في بدني
و انتي حيرانة دخلتي و نسيتي و انتي زعلانة
شموعي طفّيتي في بالي صغرونة فيبالي رضيتي
فيبالي سكتي تلفّتي و حكيتي بسماتك بانولييييي
سكّرنا الباب على الظلام ،
نشوف فيك بالواضح رُدّيلي السلام ،
نشوف فيك بالواضح يا عروسة الأحلام
احكيلي و ما تخلي ما تخلّي ما تخلّي
فسادي الدبّوزة نُسترها في ظلّي
و باغي نبطّلها تعطّلني كي نصلّي
و نرجع كي صُغري بكُراتي متهلّي ،
اش حبّيتي حاجة اخرى
هارب من الفُخرة بعيد و موش باغي خوك ننسى حساب الاخرة
و ما نلزّش على الباخره غرقت الفلوكة
صابت صغار و سمعتني مهلوكة
و صارحيني يا زييني نسمع الكلام
صارحيني بكلمة تخلّيني القُدّام
نحلف و نزلّط و نخلّط الملام متعوّد نصلّح فعل مو كلام
