اهلا بيك في كوكبي ياللي بتسمع حالا
مش مرفه انا و لا القرش بيجري في ايدي زي ما باين
محدش يعرف حالي محدش شافني و انا مقتول
و بطلع كلامي دموع بس احسنلي من كلام طالع مش مسموع
احسنلي متكلمش مين اللي قال السماع بيداوي
و اني هرتاح لما اطلع كبتي جوايا
في حكاوي
صدقني موت من الوجع و يوم ما تحكي احكي لحالك
حالك صدقني اوفي صديق هتطلع بيه في حياتك
مفيش طيابه احنا في غابه دول ديابه في دور غلابه
الكل مشاعره تايهة فتشوف كتير قرارات كدابه
قولي ليه تخدعني و انت صاحب عمري
و عاوزني مخسركش و ابقي علي اللي بينا اشمعنا بتيجي مني
اشمعنا انا اللي اصالح و بتنازل طيب فين كرامتي
انا مش زي الاول و شكلي مطول اتغيرت و مش هرجعلي
......
طريق طويل مكتوب الحزن فيه مش مكتوبلك انك تفرح ليه
و عنين كتير بتبص عليك متحكمه فيك عايزينلك من القبر بيت
ازاااااااي واخدين من عيني النور بينكم مجبور اشوف الموت
اوقات بتبقوا دقات لقلب تاه ساب لما شاف ارواح بدون الوان
....
كنت برتاح من اي كلمه المخزي منها تهون عني
الوقتي مبقتش اشوف للطبطبه مخزي غير كونها بتوجعني
ميت ضحكه من ورا قلبي .. لقيت في الوحده عباده
ظروف حواليا بتكسر عضمي و انا ساكت كالعاده عادي
ما باليد حيله عينيا بتلمع عايزه مليون حاجه مستحيله
و حتي لما اقرب منها تموت ادامي كل طريقه كل وسيله حياتنا دنيئه الفرصه فيها يا تشقطها يا تبكي عليها الطمع فيها مش عيبه انك تبقي راضي جريمه
في سبق كل بيجري يلم في ماده ملهاش لزمه
علاقات صداقه مفيش غرض من منها غير المكسب
يروح المكسب تلاقي الكل في ضهر التاني يطعن
مفيش عيش و ملح الكاش زعيم هوا اللي بيحكم
بيقولولي اضحك دي الحياه طويله عريضه
اكيد فيها اللي يفرح مشفوش دمعك و يا كسره نفسك
شاطرين يقولوا بس نفسك مالها كئيبه مريضه
مع ان غريبه العكس فيهم بس دي قلوب بليده
