ياقلبي اللي تغير من جميع الصدوف
ما بين تاريخ جداني وحلم اولدي
قضيت عمري وانا حاير وعيني تشوف
اراعي اللي مضى واشتاق للي ابعدي
دخلت مع باب للعزله وليل الخسوف
وخرجت مع باب سطواتي وليل اسعدي
ماكنت ادور عن الوقفات رغم الانوف
كنت اعطي الصمت قيمه واستراح اجهدي
حتى لو كان عذري في غيابي ظروف
ارقى على ظرفي القاتل واجي موعدي
لا تلحقوني من الشرهات حدب السيوف
ان جيت جية كفو وان غبت غاب اجودي
احل في صدر خلاني محل الضيوف
واشرب دلال الغلا حتى يضيق الردي
جعلي فدا للكريم اللي ندي الكفوف
وجعلي فدا للكفو راعي احتزم يابعدي
واللي عطاني من الانصاف فوق الوصوف
مسعاه في القلب بين الدرهمه والعدي
يسكن في جنات عشق ً دانيات القطوف
يجني ثمار المحبه دام عمري مدي
وياوجهي اللي من الايام لاحقك خوف
بياض وجهك يبدد ليلك السرمدي
فلا تلحقوني من الشرهات حدب السيوف
ان جيت جية كفو وان غبت ماهو بيدي
