كل اما بنسى برجع نفس المكان
بنفس الآلام ..
ده مش حب زمان
مش قصه وسلام محستش ب امان
عدت سنين مبصتش لقدام
اتاري الي اتسرق كان عمر الشباب
دنيا بتعض معضتش الكلاب
عارضت اعدائي حاربت اكتئاب
شخصيه بقواعد مليانه اسباب
جوايا سجون
جوايا سكون
ليه اعاقب ف نفسي وانا المظلوم
رميتني ع الرف واكمل ف اللوم
نتناسى ونهج ب شنطه هموم
لازم نكسر الليل الي مسود اليوم
لازم نقسى نتغير ونبطل سموم .
لازم نوصل للبر ونبطل سكوت
لازم نحسب الوقت تملي بيفوت
بسال فنفسي الصبح والليل
سبت الي جنبي وخليت الي يبيع
يمكن ف السن ده للهو بميل
ازاي انا قلبي لكلو بيسيب
فكري مميز خدت الطريحه
بطلت انا الحب ده وجع دماغ
الفكره م الاول مكنتش صحيحه
وكنت انا بجري ورا الاوهام
احنا ف نفس المكان
احنا ف نفس الالام
احنا نسينا الكلام
احنا عيشنا الاوهام
احنا سبنا نفسنا
كان جوانا انفصام
كل اما بننسى احنا فنفس المكان
نفسي ف الضلمة ونعيشها انعزال
نفسي ف اجابه ل اي سوال
بسأل ف نفسي ودماغي بتسيح
نفسي ف نهايه لكل الجدال
دلوقتي انا عيبي بزياده صريح
بحاول اخفف حمول الجبال
ف نفس المكان
احنا ف نفس الالام
جملنا الكلام
احنا عيشنا الاوهام
سبنا نفسنا
و جوانا انفصام
خوفنا من بكرا وقللنا الامال
كل الي ليا اني اكمل الحلم
احلام بتتحقق ظنتها اوهام
لسا
لسا احنا ف نفس المكان لسا
لسا بستنى انا نهايه للقصه
لسا مستني انا الرقصه الاخيره
لو لا هفضي ف دماغي الزخيره
