موسيقى العامّه موجوده و بكثره برّا إن شئت
بس ما تطالبني بكيفك لان موسيقتي مش للپليبز
برسم مشاهدي بالموسيقى خالي مش بالكليپز
بس أنا الشايل الموضوع و كلنا صرنا إن صرت
معكم تجاربي بس بيضل إلي صوتي
مش جاهز جيب ولاد فما بدي أي منهم حولي
بتطقني كف برد بكف بتمس قريب ببطل شوف
و اذا ببطل شوف لح تلدغ و تقرط بنص الحروف
كسر لف و لف و دور أنا دووم و أنتوا دون
أنا كل المفاتيح، أنتوا ان طرتوا كنتوا دو
أنا أنا و أنتوا دور ورا بعض تقول في دور
أنا هدفي اني حقق انتوا الهدف الجمهور
I’m not a killer رايق ماكل الجو
But if i loose my shit i’ll be killing us both
إحذر في عتمه جوا خالي عقد مافي ضو
فبحمي حالي من حالي لأن حالي أحيان هو العو
مش هون، فبدّيش قلتله و قلّي
أحياناً بفتح تمّي بسمّع بينكم صوت مسلّه
مجنون، عقلاني لحد ما ملّي
منتوف، و جايه اكل حد ما حلّي
صارف كلشي عاستديو و لسا سقفي بينش
عم حاول عيش من يلي بحبه و بعدها اترك إرث
شعبي رسى بلم برا و لسا بيحارب للقرش
الجوع إبن كلب و أخوه يلي بيحارب للكرش
كل مره بيسألوا شو المعنى؟
هدول نفسهم يلي لسا مش فاهمين اللعنه
و اللعنه، انا عايشين معهم بس هنن مش عايشين معنا
و الخاسر جد خالي هوّ الخسر دلعنا
تزوجوا الناريتيڤ و بيشكوا من كيد ضرته
كل ما بسأل وين صرتوا؟. بيأشروا عوين صرته
كيس مدنلندل من الهوا معه طول الليل برقص
كتروا الليالي و احيان بعتم الليل بفقد
سما و ضوها فلوسنت كيف؟
انا بقلك، لانها هيه متل صحابها فيك
ان بتحط الشمس بوجهن بيملى براسهم غيم
فش بديارهم ضيف، و عنفس المقياس فكل نهاهم ليل و أنا…
مش هون، فبدّيش قلتله و قلّي
أحياناً بفتح تمّي بسمّع بينكم صوت مسلّه
مجنون، عقلاني لحد ما ملّي
منتوف، و جايه اكل حد ما حلّي
