وياما واصل عالحفة، ومدندل رجليي عنها
عم بتطلع عهالهاويه وشو رافع رجليي عنها
أصعب جروح هيّة الما إلها دوا
يلي بتفيقك بالليل لتقوم تستفرغ هوا
وياما التقينا أنا وهالنقطة
نقطة الصفر، وآخر مره من عمر ونقطة
بتقلّي كبرت شكلك شبت عهالنطره
آخر مرّة شفتك قيها أنا يلي خوّفتك من بكرا
بس ما توقعتك ترجع تجي بإجريك
وعالحفة تقعد جنبي وترجع تسأل كيف و ليش؟
والشي القتلته جوّا، فهّمني ديته وين؟
لسّا بتسكن برّاتك وبتجي بتسأل عبيت؟
رحت أتعلّم يلي ما علّموني اياه
رحت أتعلّم حب وأزرع قلب ما عطوني اياه
رحت أتعلم شو يعني يصير حدا نصّي
و كيف بقطع بإيدي نصّي لنصّه يكمل بلاي
الحب لمّا تعطي بلا حد وبلا شرط
الحب لمّا تفلّت وقت القبض
لما تكون نهاياتك بداياته
الحب لما أنت تكون الأرض
وعهالشنب إيدي وعهالقلب إيده
حبكم حبس بامبي حبّي قتل إيغو
ويابا عهالقلب ياما ياما مشي بشر
وأنا عهالأنف ياما ياما كاسر بصل
بس بدينا نشوف حوالينا
مين يحبنا اله ومين يحبنا لينا
فقلبي يناديله خلّيك
ما بقالي غيري خليل
