يالي ذكرت الهجر وتحدد المهله
لا ما تروم الهجر لو قلت لي رايم
الهجر لا تحسب انه مساله سهله
الهجر يجرح خفوق العاشق الهايم
منهل شفايفك من هالعين من نهله
لكن راعيها من منهلك صايم
هاجر ودرسك معاك والوقت درسه له
وانا من دروسك ودرس الزمن شايم
الوقت خذيت منه تجربه كهله
وطاحت من عيوني الدنيا وانا قايم
الكثر له ملعون بو لهبه وبو جهله
والعشق ملعون ابو بارع والسايم
طول وقاصر على ما تريد في المهله
مصير قلبك يردك عاشق وهايم
الواحد يغيب عن اهله وأهم اهله
لكن قلبه يرد له صوبهم دايم
