قالولي ما تجي أنا أني أنا أني ني نايا

بلطي زينة القصرينيّة أرّاح أسمع الغناية

ياو قالولي روّح قالولي ما تجي

ياو قالولي روّح قالولي ما تجي

برّاني قعد ملوّح قالولي ما تجي

ياو قالولي روّح قالولي ما تجي

قلتلهم هاني جاي قالولي ما تجي

عمّر برّاد التّاي قالولي ما تجي

ياو في بلادي نكروني قالولي ما تجي

ياو عملو معايا الدّوني قالولي ما تجي

قالولي برّاني قالو ماكش من هوني

برّاني في بلادي عملو معايا الدّوني

نواسي في محوني تقول نعيش في غربة

و اللي سيسوني يحبّو تونس خربة

قالو مانا جهة قالولي إنت منين

قالو إنت يسار و قالو إنت يمين

قالولي مالكفّار إنت و إلاّ مالمسلمين

قلتلهم وراء الإمام الكلّنا نقولو أمين

قلتلهم أنا تونسي مالحومة يا حومة

معنقر كبّوسي و معلّق المشمومة

بابا مالشّمال و لمّيمة مالجنوب

مولود في الوسط و بيناتهم محبوب

و الجهاويّات إنتوما اللي صنعتوها

القلوب سرقتوها قسّمتوها وسّختوها

علبالي كان بالخبزة ما علبالي بألقاب

قلتو هذا مالأبعاد و قلتو هذا مالقراب

نحبّ زغاريد في عرسي و وقفة عالوليّ

و تجي لمّالي من بوسالم و من قبلّي

ياو قالولي روّح قالولي ما تجي

قلتلهم أني نايا نا و أنا و أني

ياو قالولي روّح قالولي ما تجي

ياو قالولي روّح قالولي ما تجي

برّاني قعد ملوّح قالولي ما تجي

ياو قالولي روّح قالولي ما تجي

قلتلهم هاني جاي قالولي ما تجي

عمّر برّاد التّاي قالولي ما تجي

ياو في بلادي نكروني قالولي ما تجي

ياو عملو معايا الدّوني قالولي ما تجي

قالولي إنت منّا قالولي و إلّا من غادي

قلتلهم على روحي لاني منّا لا من غادي

قلتلهم هاذي بلادي وين يطيح اللّيل نبات

و إلّا تحبّوها فيزا اليوم بين الجهات

تحبّو دوانة بين أخوات تحب تفرّقهم

الرّايس إلّي شاد السّفينة يحب يغرّقهم

و يشرّقهم و يغرّبهم و يزرع الخوف

قالولي الشّمس كي تقابل القمرة يولّي كسوف

قلتلهم هاذي أرضي و أنا فيها جالي

أنا ولد الأرض و القمرة و الشّمس إمّالي

جيتو فتنتا زرعتو فتن

و إلّي يدخل بين الظفر و اللّحم يخلّف النّتن

أنا ولد الوطن و إنتوما رسمتو الحدود

و إلّي فرّق العريبة قرّاتو اليهود

يحبّو يبعّدونا ما يحبّوش يقرّبو

يحبّو يحرّبو يظرّبو يخرّبو

تونس ماهيش برلين تحبّو تعلّيو حيوط

10 ملاين تونسي مانا 10 ملاين حوت

أنا أني أنا أني ني نايا

بلطي زينة القصرينيّة أرّاح أسمع الغناية

ياو قالولي روّح قالولي ما تجي

ياو قالولي روّح قالولي ما تجي

برّاني قعد ملوّح قالولي ما تجي

ياو قالولي روّح قالولي ما تجي

قلتلهم هاني جاي قالولي ما تجي

عمّر برّاد التّاي قالولي ما تجي

ياو في بلادي نكروني قالولي ما تجي

ياو عملو معايا الدّوني قالولي ما تجي

قلتلهم مالشّمال(قالولي ما تجي)

قلتلهم مالوسط(قالولي ما تجي)

قلتلهم مالجنوب(قالولي ما تجي)

جندوبي باجي كافي (قالولي ما تجي)

بوزيدي قصريني قفصي(قالولي ما تجي)

مستيري مهداوي ساحلي(قالولي ما تجي)

قلتلهم بنزرتي نابلي (قالولي ما تجي)

جلاصي قروي عيّاري (قالولي ما تجي)

مدنيني جربي عكّاري(قالولي ما تجي)

قبلّاوي دوزي توزري(قالولي ما تجي)

شابّي جبنياني صفاقسي(قالولي ما تجي)

مطماطي حامّي قابسي(قالولي ما تجي)

راني تونسي(قالولي ما تجي)