كل يوم طلعنا تفريكة حكومة مريضة
كلها تكذب عليك نداء تونس نهضة و عريضه
مجلس تأسيسي تخلويضة سوق عربي ناڤصتو ميضه
رئيس بلاد بابم يحكيلنا على سنّة و فريضة
شكون اللي يكتب في دستوري تومية تحكي بالسوري
ڤلتولي عملنا ثورة و الثورة طلعت بڤوري
جينا في حكومة حنطوري إركب الحنطور و إتحنطر
الزوّالي ديمة مزمّر ما اكا العام زوّالي محندر
الخضرة أغلى مل زطلة البصل يطلّع في الشيخة
الفلفل مرشي نوار تشّد عليه حبس و ترنيخة
عمري ما كنت نتصوّر نوصلو للتصوّر هذا
شعب ماشي في المضماضة لحمة في فم الڤضڤاضة
حصيلو حكومة خلواضة مجلس تأسيسي أضحوكة
مرڤة خضرة شكشوكة مجلس يشطح عل دربوكة
ضهرلي شامين الكوكا ما تفهم فاش يڤولو .. الشعب هولو هولو ..... دزّوهولو
ڤالولهم فمّا إرهاب ڤالولهم يعملو في الرياضة
فرڤع روحو ع الشطّ ... فرخ بوماضة
في الشعانبي يترناو و يراني فيهم مورينو
وينو رئيسي وينو ؟ يكوّر ربّي يعينو
تي خلينا ڤاعدينو خلينا بالعينو
بن تومية تحكي على كوستاريكا سان مارينو
إحكونا ع زوّالينو علاش تبهّم في الرجّالة
رئيسي ما أحلى زينو يكمي حمص مع الوكالة
هزيتو المليارات و خيلتونا حوّالة
سرڤتونا إلغاز و الضو خبزة خضرة و سبّالة
إحكونا على حال البلاد علاش تحكونا على باناما
هنندبهم هحكومة عملتي صندوق الكرامة
ألف و مية مليار و ڤلتو تاكس و إتاوة
رجعنا للجاهليّة و الضريبة يا حلاوة
الاورو بزوز و نص الله غالب اش نڤولو .. الشعب هولو هولو ..... دزّوهولو
لعبتو على ڤلوب الشعب حكومة لعبتو ع الزوّالي
زيد من غاذي نڤص منا تستخيلونا لا نبالي
جيتو انتوما يا لطيف البلاد دخلت في حيط
نعجة في فم العفريت شعب مشى مرڤاز فريت
كيف ما قال بونا المرزوڤي البلاد ماشية كعكة
البلاد قسموها كعكة و احنا قعدنا عل كعكة
الحصيلو كلاو الكعكة يا وكّالة زيدو كولو .. الشعب هولو هولو ..... دزّوهولو
