سامحيني ..
لما تلاقيني قلبي في يوم قسي
اللي شوفته فيكي صعب انه
يتنسي
انا شاب مات ضميره لما قلبه منه تاه
الياس كان مصيره لما راح اللي اتمناه
صحيح الإسم عايش بس مفارق الحياه
من بعيد صوته بيضحك بس مين سامع بكاه
رحلة حياة
ودة مش بإيدي مشيت في طريق الشوك إجباري
رحلة حياة
لو معاك فلوس هتبقى شاري
رحلة حياة
ليه بتقسى علينا كل الظروف أصبح وشي ليا مش مألوف من شدة ألم الخوف ..
رحلة حياة
ونفسي اشوف اخرة طريقي مش معروف بس لسة هفضل اطوف ..
رحلة حياة
قليل الحيلة ضهره مكسور واحد وكسور طريقتك سد ممنوع المرور
واقف طابور عينيه مش شايفه أي نور مستني الدور
هييجي لما يكون عبد المأمور صابه الضمور
إخوانه كتير جوة القبور كان نفسه يقول كلام بقاله سنين مستور
رحلة حياة
اتغيرت خلاص بطلت اكون خواف
كل اللي كان رصاص كتبته جاف
تدمير حياتي حكم مقبلتوش
لسة هصرخ لسة الحكم في استئناف
قانون مشئوم ظالم ودايس على المظلوم
وعشان الظالم حاكم والمظلوم محكوم على مين هيلوم
دة مفيش على الظالم حاكم فالحال بيدوم
يشيل حمل الهموم محروم ومش مرحوم لكنه راضي بالمقسوم
شايف حياته مركب ورق بتعوم
رحلة حياة صعبة
مليانة ظلم وخوف . ربك كبير عادل
أصبر وبكرة تشوف
خايف عذابي يطول وأفضل كدة على طول
حتى اللي أنا حبيتها
راحت وانا المظلوم
رنة موبايلي فتحت لقيت حبيبتي بصوت موجوع
اتخض قلبي قلقت إحكيلي إيه الموضوع
كلمت أهلي عليك قالولي حبنا ممنوع
في عريس غني وبماله
إتقدملي وملناش رجوع
حاولت كتير مبقتش عارفه تاني هعمل ايه
حكيتلهم كتير عن جدعنتك وقالولك إيه ؟!
حبيبك دة جدع فقير أحسنلك بقا تنسيه
خدي الغني لو كان طبعه وحش ربنا يهديه
مبدأ غريب بين البشر مليان قسوة وغباء
وياريت عشاني تفكريهم إن الهادي هو الرزاق
قرب من الشخص وشوفه بطل تحكم من بعيد
جايز تلاقي ظروفه دي نتيجة ظلم شديد
طبطب عليه قويه خليه في حلمه يكون عنيد
يمكن تكون سبب في إنه يحاول من جديد
رحلة حياة صعبة
مليانة ظلم وخوف . ربك كبير عادل
أصبر وبكرة تشوف
قرب من الشخص وشوفه بطل تحكم من بعيد
جايز تلاقي ظروفه دي نتيجة ظلم شديد
طبطب عليه قويه خليه في حلمه يكون عنيد
يمكن تكون سبب في إنه يحاول من جديد
