فيه ايام ليلها حزن
وفيه ايام مقسومة شطرين
وفيه ايام روحها حلوه
وفيه ايام مكتوبة لإتنين
مشوار طويل مشيته
انا اللي ابتديته
ورسيت السفينة
واهتدت لما لقيته
كان شئ جديد عليا
ان الفجر يبتسم ليا
واشوف خيوطه بتنسج الصبح
ويقدملي اغلي هدية
ويعودني النهار ويوفي
واتعطر من تحت لفوق
واركب علي جناح الليل
واسافر للشوق
من يومها وانا
اتبدل حالي
ولا كان
ابدا علي بالي
ان حبيبي الغالي
يغير كده حالي
فيه ايام ليلها حزن
وفيه ايام مقسومة شطرين
وفيه ايام روحها حلوه
وفيه ايام مكتوبة لإتنين
