لوحدي في الضلمة مفيش بشر ولا خمرة
سيجارة وييد و عيني حمرا و لسة بحلم بالسمرا
دمي مصري بس قلبي برا جسمي اتحجر بس أفكاري حرة
و لسة بسعي و مبتلفقش مرة
و مع لعبة الزمن بجري و بدفع التمن
سنة جديدة بتبدأ و عمري بينقص و عمري ما روحت للندم
بالعكس خدت كل ضربة و جمعت كل الطوب
طبعا مستني اقولك سلم و اختم الحكاية بقلوب
عايزها وردي و عايشها كدب ايقاعها ولا مرة يستتب
عايزها وردي واقعها تبن مات الابن و هو بيشب
اما الطوب فخلق شيطان غضب غضب مسخ مش انسان
غضب غضب كاره المكان و نفسي اتمرد عالكيان
جوايا صلب و دموع و حرب
و خيالي خصب و مبجيش بغصب
و لا حب خاين و لا بفة ضرب
و لا عيشتي ارتاحت و لا زال فيه رعب
و ما زال فيه قلق و لا زال فيه خوف
و لا زال فيه صبر و ما دام معروف
و انا لسة بحكي للورق يشوف
و لا قالي لا و لا قال ظروف
هنا شق تعابين مفيش ملايكة لا مش سالكين
مفيش نصيب و لا مش خالصين
عينك تغيب دمك بيسيل
و مفيش آسفين
فاكرها حرب و تهدي فاكرها هدنة هتبدأ لسة
قالولنا حفرك و اوعي تسيبها
قالولنا صبرك و انت تجيبها
قالولي بكرة تشوفك قالولي لا دي مش مضمونة
سموها دنيا و قالوا مجنونة عالعين بتضرب لو محرومة
جوة الحدود ظلمونا برة الحديد كرهونا يا ابونا
علي الكهوف ودونا غمونا علي الهدوم بصمات ملعونة
علي الكاسات صبح صبح علي الكاشات و المتشيك
علي اللي في اليغمة مسقط علي الحلانجي المتريش
علي الامل الكداب علي مكان واخده غياب
علي البسيط و النشال عمي القلوب بقي عال العال
و اهي بكرة بتفرج بكرة مفيش منه مفر
بكرة نبقي السطة بكرة نشوفك عالبر
لسة الحلم مكمل و لا زال في صبر
ولا زال في نار ولا زال فيه رب
و ما زال فيه قلق و لا زال فيه خوف
و لا زال فيه صبر و ما دام معروف
هنا شق تعابين مفيش ملايكة لا مش سالكين
مفيش نصيب و لا مش خالصين
عينك تغيب دمك بيسيل
و مفيش آسفين
