مشيت في سكة مش على كيفي ولبست شتوي في عز الصيفي
يا دنيا اسقيني شاي أنا ضيفك ف ركن مرايتي لمحت طيفك
أنا مش بيرفيكت لكني باسعى أرض الله واسعة مساحة شاسعة
فباظبط جوجل مابس على بيتك أنا حبيتك رغم الساقعة
شنطة هدومي ما حيلتيش غيرها معلش كل ألواني فاقعة
فيش حاجة لايقة طب هآجي ليتر تكوني رايقة تكوني فايقة
تكوني حليتي كل مشاكلك تايمينج خرا يلعن أبو شكلك
ليه متضايقة إن أنا مشتاقلك مش وقته ناو أنا متخبطة
أنا زي حياتك متلخبطة فلازم نفوق م الحب المسكر
دمك سكر معاكي حق وأذكر مثلاً من كام شهر
من كام شهر ما كناش كده ما كنتش شايف تحت الماسك تشيك التاسك
الجيم بلاي تحفة قابلت الوحش بنلعب سوا
كيبوردي زيّأ فانا متهيأ أكتب كلامي على علب الدوا
الرز استوى طب علي ناره سيبيه يعجّن ياخد وقته
صبري في كالوني عايز يتزيت ما تقولش راب من غير محتوى
فيش مستوى فقادر أهرشكو، أقرشكو حتى لو فيكو نوا
العالم مرايتي هاكتب حكايتي في جيبي قلم انتِ برايتي
باسحب أفجول أحس بعمقي وتحت غروري باخبي الضعف
صعب أعترف لذا بالزم صمتي وبالعب مالتي أنا قبل الحذف
علاني لحد ما جابني الأرض ففركته بوسته أنا قبل الحدف
باصص في السقف شايفك في حضني خيالي قطني بيتشرب
وبيتصرف علشان يلاقيكي وبيستغرب ليه بتتهرب
تيجي نجرب، نستغنى عنها، نستنى منها جواب في الفجر
يحل ليلك تبتدي يومها ويضيع شغفكو في شق الفرق
واللي كتبته في ورق الحد الاتنين كلامهم عكس بعض
واللي كتبته في ورق السبت الصبح شنقته في الهانج أوفر
غزلت من خيط حزني بلوفر شميت فيه ريحتك مع إني يوسف
في بطن حوتك كأني يونس رفضت أموت أنا قبل الموسم
عد فلوسك فاضل كام اديهم سعادتك تاكل مام
كسم الغم ولا بس اتلم وشيل في قلبك من غير زن
تليفوني رن فصحى الأمل طلع إن ي بس في ميلينج ليست
أنا فيلينج لوست ووحشني صوتك الدنيا قاسية أوي من غيرنا
الكوباية فاضية أوي مين غيرنا لقى الحب كده في طريقه
وبل ريقه أوام ضيعه، يا دوب عمّده تاني يوم شيّعه
دول عينهم وحشة وبيسيّحوا، ناشف مقدد فباسيحه
إزاز منقط فباسيقه، ألم يخبّط فباهيؤه
ده صدري بيقفل من غير سجاير، وطاقتي تفصل من غير بشاير
هلّي علينا كفاية عناد، عايزك في كلمة فيه حاجة يا عماد
مالك فضولي، مستني دوري، بيجيب فيوز علشان وصولي
وعندي أصول أنا أخلاقي عالية، سوايب بسرعة ما بين فصولي
هتلاقي صورة غشيمة بالعرض وأوكوورد فشخ وواقفة في زوري
نص أغسطس تاريخ مهبب شهر تمانية أوسخ شهوري
ولسه بحبك ماسك فيكي، مش قصدي عافية يا ريت تفهمي
إن أنا أطلقتك وفهمت غلطي ورفعت رايتي البيضا الناصعة
بس رسمت عليها بالإسود صورة م السيلفيز في حضن بعض
اعتبريه وعد، هافضل في حالي مهما كل اللي في ندهلك
جايز أكون لك قدم السعد وجايز أوي ما أقدرش أستاهلك
شايفنا سوا الغيب موارب أنا محتاج لك وده مش عيب
