لما أنساكي
بستناكي
الخوف مكهرب كل أسلاكي
لا مش سالكة
طلعتي سكة
خلاص لوحدي في نص السكة
بس مكمل معايا فكة إيماني قايد في قلبي لسة
قبل الراب كتبت قصة
وقلت فيها كل اللي هيحصل
دي مش نبوة مجرد حدس
مقولش عدس أقول مش عارف
قطعت شراييني في أغنية عجبت معازف بحب أجازف
كل اللي حيلتي كام حلم جامح، باحكي لربي في كل صلاة
في كل جامع، سامعني ولو محدش سامع كريم مسامح أحمد سامح، بس أنا لأ
أنا لسه قافش
كله تمام، أنا لسه كاشف
آخر كلام كده شاكب راكب مفيش مشاكل فكوا الشناكل باقطم حناجر كل السين
باتابع يومك من اللاست سين، فمستكين
ممكن نجرب مش مستحيل
خلاص قرفت من وش أمك أنا مستقيل
الراب ده ليت، فيومكو إسود
إسود خالص، مش متدرج
ثابت مكاني، مش متحرك
هل أتطرق للموضوع اياه
بافتكر اتأثر ياه، ياه، ع الإنسان
ايه اللي فاضي ده، ده الحسبان
أنا شلتك منه، آلو أيوة
واقف في الزاوية مفيش إرسال
لما أنساكي
بستناكي
الخوف مكهرب كل أسلاكي
فتراك مخصوص، استرسال
بدل ما نرغي، استسهال
ده مش كلام، ده استهبال
ده استكمال بس أنا خلصت وسننت طبقي فهاجري لوحدي يوم القيامة
ياما حاولت أوصلهالكم، أيامكو حلوة؟ مش دايمة لكم
خد خلاصة علم التجارب
البعد حتمي بعد التقارب
كلامك كله عكس بعضه
بس بس، اقفش تضارب
باجري ع البيت، كأني مطارد
التراك ده سخن كأنه عطارد
قرقض في نفسك زي القوارض ثانية هاخرق كل القوارب
أنا مش خضر، خرق غباوة
جايز دناوة
عايز البحر لي لوحدي أقصى طموحك تشرب منه
عادي يا صاحبي جات في الصاج
بلاش حركات، بلاش بصات
ارض بقليلك هو ده آخرك
ليه تحسدني، قول لي يا بختك سمعها لي قبل ما انام
بص يا مان، مسيرها تحلى بعد ما تروق
فعايزك تفوق، نصيحة لله، مش عايز فلوس
جوايا صراع فباهدي النفوس
لما أنساكي
بستناكي
الخوف مكهرب كل أسلاكي
