انا كنت بين ايدين معاليك حاولت احميك انا ماللي باليك واديك بتميل لكل بديل يحل مكاني فيك
ومش هتلقى , الدنيا بتدي الفرصه سرقه
وانا كنت انت ، وانت كنت ضايع رايح مني خلقه
بدأت اتخنِق ، سبتك للأيام تقتلك
ده بيدلِق ده يبهدلِك حبة عُمر وبيتسرِق
يتحرِق ، كل اللي فات ويكون رماد
الحياه بعضلات وهتعلمك لما تزعل يعني ايه تتفلق !
شفت ازاي انا وانت بقينا ف حته وحشه
مع ناس مابتسميش وتشمت القلوب دي عِفشه
وحشني صوت حبيب، مش رايد اعود ضريب انا والله
بعيد الشر عن عينك تحزّن لو لمرّه
برا الشكل يخدّع ، جوا ع الرابع كئابه
والطابِع غلابه ، وانا حزين ي ساده مش كالعاده بزياده
اخرّف , زعلي هو اللي بيتصرّف
ست الحُسن بقِت حُزن زي ما يكون كتاب اتحرف
.......................................
جرحي ينزِف انت تعزِف انا متأسِف
مفيش غير نوته ع التيليفون وبفضل اكتب
حكاوي ، ياما حزنت لوحدي ع القهاوي
كإني غاوي اتعِب روحي بختي جاب بلااوي
.............................
انا موال شغال سمعته مرّه صدفه تُهت
انا مطرح ما رُحت ، انا بُظت انا بوست ايد ايام تخض
غريبه , كل الدنيا تيجي عليك ف لحظه
لأ نكتب ملاحظه . انا لم أعد أحظى بفرحه اصلاً
انا لا أملُك حد يبقى جنبي للآخر
انا ف سكه سد هو خد مكاني بتااخر
ماعشتش قمة السعاده مانا بخاف م العالي
كان ودي اصاحب السجاده وتبقى ام عيالي
سابوني اكلم نفسي وصنفوني مريض نفسياً
وانا اللي كان إلهام لروحي معدش مؤمن بيا
وانسي , الحُب ف الزمان ده زي البيبسي
حبكت يعني تيجي ع الغلبان ي حلوه وتقسي
ضميري إرتاح اعيش سواح
اشوف نجاحي يطير بجناح مفيش ف إيدي ياناس سلاح مباح دلوقتي ، بكره يجي وقتي
مش هبص لساعتي , ولا هخاف مالجاي اخدها جري زي ما تقول بتزيد مناعتي
..................................................
جرحي ينزِف انت تعزِف انا اتكتِف
مفيش غير نوته ع التيليفون وبفضل اكتب
حكاوي ، ياما حزنت لوحدي ع القهاوي
كني غاوي اتعِب روحي بختي جاب بلااوي
