انا ماني علاء الدين ولا عندي بعد مصباح

عشان احقق احلامك و البي كل مطاليبك

ولا عندي بساط سحري و اسافر بك بدون جناح

انا ما عندي الا قلب على هالقسوة راضي بك

عشقتك عشق من قلبي و انا ادري العشق ذباح

شسوي حظي اختارك و جيت اتعشم بطيبك

في حبك ربي اغناني لقيتك للفرج مفتاح

معك كني ملكت الكون و بين الناس اماريبك

انا ما قد هنالي بال ولا عشت العمر مرتاح

تصفق فيني الدنيا و ماني حمل تعذيبك

تعال و لك علي اني اخلي الشوك لك تفاح

و بحاول قد ما اقدر احقق كل مطاليبك