ياخي وينك جابك الله ليه ياخي تجفى
والله اللي جابك انك ما تفارق عيني
ما سئلت عيونك انا كيف عيني تغفى
و انت تدري انك نظر عيني و باقي سنيني
يا هوا بالي ترا كفّا الغياب و وفّا
يا مزعلني و يا اول واحدٍ يرضيني
لك بقلبي بيت و ظلال و محل و ملفى
ما سمحت لغيرك يحل بمحلّك فيني
في الحشا شبيت ضوك كيف ضوك تطفى
كل ما طروك و انا دالهن تكويني
لا تصدقني ترا ما عاد شيٍ يخفى
قلت عادي لو تروح اكذب عشان تجيني
والله ان الخير يوم اقفيت عنّي قفّى
و العرب تشفق علي و العالم تواسيني
و والله ان الجرح في حضرت جنابك يشفى
و السعادة كنها ملكي و بين ايديني
كان كفّا حب ٩ سنين و ان ما كفّى
ما تكفيني عسير و لا اليمن يكفيني
ثم تكفى تكفى تكفى تكفى تكفى تكفى
لين اموت و تنتهي القصه .. و لا تخليني
