اسمع يابنى انت و هو!
يا ريس ليك القوة
انا زهئان و عايز اتسلى
نجبلك مين عليه تتبلى؟
هتولى زبون من الزباين
عايز مخلص ولا خاين؟
عندكوا من كل الاصناف؟
من الصنف الملاين و الالاف
هتولى المعمدان اللى سبق
وراسه طارت على الطبق
صاحبه يسوع معرفش يتصرف
وهو مصلوب وشوية هيشرف
هتولى حزقيال وارمياء ودانيال واشعياء
هاتوا الفكرين هناهو قاعدين قال ايه على الرجاء
ويوسف الصديق وابوه يعقوب
ومعاهم استير مرداخاى وايوب
عندكوا يشوع وبيته؟
موجود, وعندنا راعوث وسليمان وداؤد
وماتنسوش سارة وجوزها ابراهيم
طلباتك اوامر هنا فى الجحيم
وانتم ياعنيا مسيركم تجولى
ادوسكم برجليا وهتعبدونى
اشوف ذلكم وامتع عيونى
بنزيف دمكم انتوا تسلونى
يا ريسنا يسوع مات على الصليب
هاتولى روحه له معايا نصيب
كان ممشى البشرية على قضبان القطر
ونصهم ماشيين على سطر وسايبين سطر
اه يابن النجار جتلى هنا برجليك
تعبتنى ليل ونهار لميت الناس حوليك
ناس بتقول عنك لا بتنفع ولا بتضر
ومافيش اضر منك.. هتشوفنى للخلف در
الحقنا بسرعة يا ريس يسوع طلع الجبار
رجليه زى العمودين وعنيه كلهيب النار
لاهوت وروح وجسارة ومش قادرين عليه
قوته هو جبارة وبيربطنا باديه
