وينك يا صغيرة وين جدايلك
وين الطينة اللي كان بيوم تغطي اظافرك
وتغني بأعلا صوت تنطي بلا خوف
ترقصي بلا عيب وينك انتي اليوم
وينك يا صغيرة وين فساتينك
اللي كانت تتمزع وانتي تلعبي مع الجيرة
تسامحي بلا لوم تحلمي بلا نوم
عيونك دايماً فوق وينك انتي اليوم
وين نجومك كانت تضوي السما
وينو نورك وينو طفا
اين انتي يا انا
اين انتي يا انا
وين رحتي عني بعيد
لما احكي مع حالي
كأني بحكي غريب
الحياة رسمتلي درب
وفي هالدرب مشيت وسهيت
تذكرت الكل ومني نسيت
وينك يا صغيرة
عم بتنادي علي
ضعتي جوا صغيرة وبعدك
اكبر من عيني
مش خايفة من الكون
وينك انتي اليوم
وينك انتي اليوم
و ويني انا اليوم
وين نجومك كانت تضوي السما
وينو نورك وينو طفا
اين انتي يا انا
اين انتي يا انا
وين رحتي عني بعيد
لما احكي مع حالي
كأني بحكي غريب
الحياة رسمتلي درب
وفي هالدرب مشيت وسهيت
تذكرت الكل ومني نسيت
سامحيني اني كبرت ونسيتك في الطريق
مني بعيدة بس حاسة صوتك قريب
عم بتقولي أين انتي أين انتي أين انتي
لنا لقاء عن قريب
