م عم اشعر اني مرهق، الاحساس مغلق
تركت الدرب الأبيض ، لانو الظلام اصدق
ب اعماقي طفل ، وباعماقي عسكر
تناقض واضح، طبيعي دمي احمر
ب أعماقي شجره وحيده مع زخات مطر
سامحيني ع الكزبه، بدونك احلا السهر
بالرغم من جليدي بالعمق جهنم
خوفي من حالي بيزيد م بقدر اتاقلم
عقلي فيكي مسمم والقلب ترمم
انتي اكبر كزبه كيف فيكي بحلم
عم حلق لبعيد، والنص التاني بيتلاشا
بعترف اني مختلف،مع بشرك م بتماشا
راكد ورا خطيئة هربان من الخليقه
كيف روحي ثابته؟ معتبرا موسيقى
كنت غرقت فيني لولا الدموع م سالت
كنت هربت مني لكن جواتي م زالت
شعور مفرط ضعف شديد وانعدام
جسد منهك خارج من بين ركام
نفس الجرح نفس الدرس وبينعاد
من غلطي بتعلم لكن بدي كون رماد
خايف موت قبل م كون بيوم قبالك
قربيلي بس خطوه، بينيلي سبيل وصالك
طغيتي ع افكاري عقلي توحد فيكي
رسمتك لوحه بمستقبل و كل ماضيكي
بيكفي يكون كفك كافف كفي
بيكفي تكوني موجوده ابتسامتك كفي
للازل موجوده حتا لو شعورك مخفي
م في ايا شي بيكمل حتا صداعي نصفي
م كنتي غلطانه غلطي حبيتك بتشرين
متهم بدون جريمه بسوارتك سجين
م بفقد الامل ناطر نتلاقا حين
موعدنا لما نمشي سوا ع السراط المستقيم
كيف بدي امحي زكرى انتي دونتيا
كيف رجع صفحه سودا انتي لونتيا
ساكن بنص عقلك، او يمكن قلبك
م فيكي تتجاوزيني، سكنتك كلك
سوادي دامس، ثقب اسود فيني
بعدتك عني لانو شمسك بتموت فيني
عزائي بمصابي لاني فيكي مصاب
عزائي بمصابك، باقي سنه ع الغياب
فراقك مو سهل بس الله يكون معك
م عاد يفيدك ندم ولا بيفيد مدمعك
كل صرخاتك م بتفيدك م بعمري رح اسمعك
الله غفور بيسامح وانا بعمري م بعذرك
رساله هديه الك مدونه
هدوء خارجي بضجيج مكونه
احرف قاتله باسود ملونه
مزاجي تقلبي ع كلشي مهيمنه
