صباح الخير ياساده ملعون كل الوجود
صباح الكون الفارغ لا عابد و معبود
صباح ثقبي الاسود خلا الصباح يسود
صباح الوطن الدافي تحت مطر بارود
صباح الدوله الحاكمه صباح عدل موجود
صباح الحب السادي عنصريه بيض وسود
صباح وجع سعيد صباح بيتي المهدود
صباح كلشي بشع صباح عدو لدود
صباح كاسه مته وسيجاره تحرق روحي
صباح غيوم السما حزينه نجوم الوحي
صباح بشر منافقه صباح الكزب الدايم
صباح الحقد الساكن جوا خلايا الوعي
صباح دفن الامنيات صباح جرعه نحيب
صباح فيروز قباني صباح خيبه غريب
صباح عتمة الماضي وشريط الذكريات
صباح الحاره القديمه و الوقت الي فات
تجاوزت اعاصيرك ورياحك م بتخوف
ولو بدك عن كزبك فيني ديوان الف
واكتب عن نفاقك الف قصيده وقصيده
وبحرق كل الورق كل ما شوفك قريبه
كل م غنيلك حزني بلاقيكي عم تغفي
بجيكي بكامل قوتي وبغادر باقصى ضعفي
بتوازن وبحن وبلاقيني عم برجعلك
برجع واسي حزنك وبكونلك مصدر قوتك
بعدا بغادو بهدوء م بعرف انو غاضبه
كنت فكرا خدعه و بسمع صرخه صاخبه
بغازل الحزن بتامل نجوم ليلي
كاسه مته تواسي وسيجاره تخلق غيمي
بدخن سيجارة روحا صار الوقت انو اقسى
صار وقت ردلا جرحا وكل ذكرياتا انسى
م اترك طريق رجعه ولا حن لكل عتابا
ماعاد يفيدا تبرير والي صار بهواها
قساوه الروح ردت والسواد عم يتراكم
خلايا الحقد تنبض والمشاعر عم تتفاقم
وبتناسا خطايا وكل م انسى عم تنعاد
بصارع بالمرايا وكلشي بينعكس سواد
بيني وبينك السراط منشوف مين فينا صادق
عهد مني بالقيامه ذكرا مين كان منافق
ولو لو تغيرتي وانخلقتي الف مره
م عاد رح يكون رجوعك بيسبب اي فوارق
كل م اتغاضى عنا بوقع بسماها
ساقط للاعلى بعد م اغرق بمداها
بكرا البرزخ بيلمنا ومنحكي لالله الحقيقه
مافيكي توهمي بانك طفله و بريئه
من بعد لسا مخبي طالت كتير الغيبه
يا حروفي لا توعي خليكي للابد دفينه
فيني قلك اني من قبل قلتلك انسي
وانا بعمري م نسيت وبعشق اللحظه الكئيبه
ما كنت اقرب من وريد ما كنت بيوم قسيت
وانت عارف كلشي فينا ماشفتك جيت
مابشوفك الا بتجرح وبتسلب منا كلشي
كلشي صار مشانك بتمنى تكون رضيت
م بعمري بفكر امن حتا كلشي ينتهي
كلشي يكون طبيعي حتا الوجع يختفي
وقت بطل انتشي وافقد وحدتي
حتا توب عني مع انو كلشي غلطتي
