اخر رساله الك بتمنى تكوني رتحتي
بتمنى تكوني سعيده وتتقبلي اخرتي
اخر رساله بحكيا وبتمناها م توصل
حتا ضلني قلك هي اخر رساله باسمي
يعني مبسوطه سألتا من قبل صح
لكن م وصلني جوابا ف رح ضلنيأسأل
رح ضلني عم اتعزب حتا اسمع جوابك
مع اني واثق شو ماكان الرد مابتقبل
انخلق الحزن وبعدو انخلقت حتا جسدو
وكلشي كنت قلكبعدو بالبريد المهمل
كتبت شعر طيب شو استفدت لما قلك
انك الاولى والاخيره وبحبك بعد م نقتل
رح ينعاد بعثي وحبك مره وتنين والف
وضلني مع صور وزكرى كل الليل شارد
ضلني فيكي عم اتامل والقلب يتألم
وكل م تخلص شتويه برجع لطبعي بارد
مسا الخير كيفك طمنيني نمتي منيح
خليتيني صافن مع وجهي القبيح
خليتيني زيد القسا وماعاد اعرف حنيه
وصرت قابل مرايا والعن عقارب حيطي الكئيب
وقلو كل مره افكاري وصارحو بخيالي
وعبرلو عن اديش اني ماني مشتاق
ولاني عم اتزكر ايمت اخر مرت ببالي
هل انا فاقد وعي او ماعاد حسيت بفراق
او زاد انفصامي وتلفت كل الخلايا
وبسمع صوت همس وتهت بكل المرايا
وبضل استنا كل الليل المح طيفا يمر
اوقابلا بمنام وبشباكا بحط هدايا
والهدايا كلا وراق فيا كل الرسايل
فيا دمع حزن بعد م راحت جدايل
وفيا كل الحكي قبل كل ليله و مطر
بعد م كنا نسهر ونفيق ع بهادل
وبعدا بحكي لحيطي كلشي بحس فيه
كلشي م بقدر قولو وعم حاول اخفيه
وبخضغ لكونو مافي حدا دايماً جنبي
ويروض افكاري ويقلي كل الوجع ننفيه
مابدي من الدنيا شي كوني بلاشي
ونهايه كل طريق بينعاد بعد م امشيه
ولابدي ثقه كوني الكلب م بوثق فيه
دام فوقنا ايادي بتقدر تمحي كل الي بتحميه
لكن خلص كفى م عاد اتلف وراق
م عدت حتا اسمح لدم فكري يراق
ولا بخلي بقلبي وجع حتا م يشتاق
ولا بفكر قصر مسافه حتا م يحين فراق
قرب الوقت يخلص ورح تختفي الاحداق
وبضلني انطق سدق لو كان التمن اعناق
وان كانت المنافسه مين الاشطر بالنفاق
م بعمري بفكر شارك تارك الكن هالسباق
بتجاهل خطايا وبضلني عيد ذنوب
مبفكر اني امن ولا بفكر اني توب
بحب كل المعاصي وبكره كلشي حسن
وهاد كلو طبيعي لاني طالع برا المود
وكوني كافر فيكي م بمانع اني كون
مخلد بجهنك لابد مع السكون
وبحترق شمسك وبتقبل فوضوتك
وبقتل كل حروفي قربان بس لاسمك
بتقبل كل الموت لو كان الموت فيكي
وبسمع وتر صوتك لما يحين دفني
و جوا قبري بشتاق بقلك يلا تعالي
اخدك ل عالم تاني حتا تموتي بفني
