سهران لوحدي بحاول أعمل ريليف
يومي النهاردة مكانش يوم ظريف
باظت مني تاني
مجاتش معايا تاني
بس بكرة الأكيد
الشمس هتشرق وهحاول من جديد
الشمس هتشرق وهحاول من جديد
وبقيت أقول لنفسي معاك ليل بحاله تحزن
إعمل ما بدالك إشتم وسب والعن
ممكن تاكل لك حاجة
تشرب لك اي حاجة
بس بكره الأكيد
الشمس هتشرق وهحاول من جديد
الشمس هتشرق وهحاول من جديد
حتى ان كنت حاسس مكانش صح الاختيار
هسامح نفسي وأبدأ أصلح المسار
مش سهلة الكل فاهم
مش دلوقتي لا مش لازم
وبكره الأكيد
الشمس هتشرق وهحاول من جديد
الشمس هتشرق وهحاول من جديد
حتى الخسارة فيها جانب مفيد
تعرف نفسك أكتر خد درس واستفيد
مش هفاجأك لما أقولها
هتعدي زي غيرها
وبكره الأكيد
الشمس هتشرق وهحاول من جديد
الشمس هتشرق وهحاول من جديد
