من بعدك انت يابا الدنيا بقت غابة
الناس بقت ديابة واحنا اللي فيها غلابة
زمن الحنية انتهي والقلب مات وادفن
جوة قبر ضلمة - مش باقي منة غير الكفن
بعدك شيلت المسئولية - والحمل زاد علية
كنت شايل عني كتير من هموم الدنيا ديا
لا صحاب فكر فيا ولا قريب سال عليا
ويوم ما احتاج لحد جمبي-القي نفسي في وسط مية
بغرق وسط موجة و محدش بيشد ايديا
ولا حد في يوم فكر يخفف عني هموم الدنيا
كلو واقف يتفرج كاني ضحية جوة فيلم
مش واخد دور بطولة لاء دا انا واخد دور الهم
دا انا منك وانت مني رحت من غصب عني
كنت دايما بتساندني وقت همي ووقت تعبي
*****************************
