برنامج المناظر علي قناة ام تي ام
مساء الخير عليكم انهارده في برنامجنا النهارده وحلقتنا النهارده عن المناظر والمظاهر ومعانا النهارده نموذجين من الشباب
معانا الشاب الهاي كلاس والشاب المبيأ
وطبعا معانا الدكتور اللي هايحلل شخصياتهم
يلا بينا...
دي مناظر ده شاب راسم دور الواصل
دي مظاهر والظاهر ان ده اللي حاصل
دي مناظر ده شاب راسم دور الواصل
والشاطر يهزلو راسه يقولو حاضر
نتعرف بيك ...
انا شاب روش اشطة طحن بيس مووت
كل حته يا باربي يا نجم يا مان
بسد في كل حته
وعندي بدل العربية الواحده خمسة وسته
سبعة او تمانية او تسعة
مليون جنية في الخزنة
من فرنسا بدلة ومن ايطاليا جزمة
دادي جايبهملي
والتلات فيلل اللي في المعادي سايبهملي
ده غير مجوهراتي اللي مامي شايلاهوملي
بعد ماسمعنا الشاب الكلاس
نسمع رأي الدكتور وخلاص
معاك حجات كتيير بس مش بتاعتك
دي مش عربيتك ودي مش ساعتك
مابتعملش حاجة لحالك لازم دادي يعملهالك
او عمك او خالك مهش سهلة بالنسبة لك
تتفلسف في الكلام وانت مش عارف ايه معناه
دايما صوتك عالي عشان تلفت الانتباه
تقول بوقين بعد يومين نفس البوقين
عرفنا دادي ومامي وانت روحت فين.
دي مناظر ده شاب راسم دور الواصل
دي مظاهر والظاهر ان ده اللي حاصل
دي مناظر ده شاب راسم دور الواصل
والشاطر يهزلو راسه يقولو حاضر
نتعرف عليك انت كمان
متعود علي طول استلف حاجات صحابي
التيشرت ده بتاع ماجد والموبايل ده بتاع رامي
وطبعا هارجعهم اصل انا مش حرامي
انا عايش حملة هو ده نظامي
عربيتي جامدة مووت بس عليها اقساط
عموما مش مهم كلو بيمشي بالعلاقات
بعيش دور الواصل دايما قدام البنات
لما نخرج ناكل هما اللي بيدفعو الشيكات
انا معايا شهاده بس عاطل
بستكفي كل حاجة بالمناظر
وعلي فكرة يا رامي موبايلك اتصادر
محدش يعرف ياخد مني حق ولا باطل
وبعد ماسمعنا الشاب المبيأ
نسمع رأي الدكتور ومحدش يتريأ
تماحيك تماحيك تماحيك
اهم حاجة عندك انك تبقي شيك
يقولك يا ابني انا شاب ستايل
مش لاقي ياكل بس معه موبايل
الشخصية دي هاتلاقيها في كل حتة
ممكن يبقي قصير ممكن يبقي جتة
واقف بره النادي او قدام المول
اعرف علي طول ده شاب جندول
دي مناظر ده شاب راسم دور الواصل
دي مظاهر والظاهر ان ده اللي حاصل
دي مناظر ده شاب راسم دو الواصل
والشاطر يهزلو راسه يقولو حاظر
ايه انت فاكر نفسك ايه
انت شاب منافق و باين عليك
معروف انك كداب من الناس اللي حواليك
مابتبصش قدامك بتبص تحت رجليك
والوغد باين جوه عينيك لا
خدت اللي ليك ونسيت اللي عليك
وهنرجع تاني بعدما ناخد البريك
اه كده احسن
