ما دريت ولكن البارح دريت
انها الفرقة حزينة يوم راح
طاح من عيني حديث ولا حكيت
كنت أضمه بين جفني بس طاح
ما دريت ولكن البارح دريت
انها الفرقة حزينة يوم راح
طاح من عيني حديث ولا حكيت
كنت أضمه بين جفني بس طاح
باح من عين الحزن يوم انتهيت
والمولّع لا تلومه لين باح
كنت أدور لي ذنوب ولا لقيت
وكنت أدور لك معاذير وسماح
لو تعلمني متى هجرك نويت
كان اعرف ان الهوى ما به مزاح
آسف ولكن مع الذكرى سريت
من بداية هالغلا لين الجراح
ما دريت ولكن البارح دريت
انها الفرقة حزينة يوم راح
طاح من عيني حديث ولا حكيت
كنت أضمه بين جفني بس طاح
ودي أعرف كيف في لحظة قويت
تاخذ من الروح كلمة ارتياح
لو نسيت انك بليلة لي شكيت
واني اللي شلت دمعك يوم ساح
وكنت أحاول أسعدك لين ارتويت
ولين بعد الدمع فجر الثغر لاح
ولو ذكرت شوي في قلبك قريت
وانت ليلي وانت في ليلي الصباح
ما دريت ولكن البارح دريت
انها الفرقة حزينة يوم راح
طاح من عيني حديث ولا حكيت
كنت أضمه بين جفني بس طاح
