لا تغيب ويكفي اني لا فقدتك
بسمتي ترحل عن شفاتي تغيب
انت لحن الحب وبقلبي عزفتك
لا تغيب وخلك لعيني قريب
اعترفلي بوح قلي ما وحشتك
لا تكابر في عنادك يالحبيب
تفضحك نظرات عينك كم لمحتك
تسرق النظر وبالنظرة صويب
انت كل الحب لو لحظة فقدتك
تظلم الدنيا واحزاني تصيب
للالم والاه واوجاعي وصفتك
لليالي السود ولقلبي طبيب
داخل عيوني من اشواقي اسرتك
ساكن بعيني ومن شوفي قريب
انت فوق اغصان لايامي نقشتك
والحياة بدون وصلك ما تطيب
كيف لو قررت ترحل او خسرتك
كيف لو اصبحت في عيني غريب
لا تغيب الروح واحساسي وهبتك
لا تعذبني وعن عيني تغيب
