صابر عالأمرار غلبتني التّنهيدة..

ولا من جاني و زار و زيد بلادي بعيدة..

يمّا..

زيد بلادي بعيدة..

متوحّش الدّار و الڨعدة و اللّمة..

و فيّا ياما صار و جرحي واش يلمّه..

يمّا..

جرحي واش يلمّه..

متشوّڨ شوڨين..

شوڨ مفارڨ ناسه..

و شوڨ إلّي مسكين..

لا من جاه و واسى..

يمّا..

لا من جاه و واسى..

و في ڨلبي نارين..

نار الغايب مدّة..

و نار صبرك يا عين..

دمعي واش يردّه..

يمّا..

دمعي واش يردّه..

يا ڨلب فيك جروح ما تتورّى..

خوفي يطول الوڨت ما تبراش..

عدّيتهم الأيّام ذڨت المرّة..

و صبرت ياسر صبر ما يوفاش..