كل كلمة محبوسة ومش لاقيه الطريق
وانا معاهم ببتسم روحى بتتسحب بالبطئ
معايا المفتاح مش شايف الباب مالضلمة
ارواحنا اتلاقت ثانية بس تاهت وسط الزحمة
عندي عالم محدش يعرف عنه حاجة غير انتى وانا
هنرجع نتلاقى فجسمين جداد بعد مرور مائة سنة
وسط سواد الليل شعاع قمرمبينلكش اى رحمة
العتمة كسرت عينك ومش بعيد قطمتلك ضهرك
افتكروك بتهزر لما قولت انا اكتفيت
يمكن مش ناسى بس اكيد انت اتنسيت
لسه الطريق طويل لسه كل يوم اصعب مالقبله
ولسه العمر بيجرى ولسه الزمن مش ملاحقه
بعيد نفس الكلام بكل حرف بصيغة تانية
ولسه بشكى ليكي منك, فاكرك فعز ما كنتى ناسية
كان نفسى ماشفش دموعك بس دموعى كانت سبقاكى
كنتى معاه فا اظن مكنش ينفع اكون معاكى
ايام ومش هتعدي, يمكن تعدى فلحظة
مش المشكلة انى رسام المشكلة انى برسم فنفس الرسمة
فاسحل نفسى فحاجة يمكن الموضوع يبقى اسهل
الاقيني مش ناسى وانا لوحدى وفاكر فى عز السحلة
ياريت الزمن يرجع تانى ياريت الدنيا تدى فرصة
مش عايز ابقى احسن مش عايز اصحى بكرة
فا اخسر فال100 محاولة واحاول فال101
يمكن ادمنت الوجع عشان بيأكدلك انك عايش
قولى زي ما تقولى انا مش هنسى ولا مسامح
متقوليليش بموتك عشان هفضل مش اسف
كفرت بكل شئ جميل وامنت بلذة الم
بكتب السطور فعقلى خسارة فيكى حبر قلم
رحت لكل شئ غلط مالقتش هناك اجابة
للاسف روحى انجس من انى اقف ع السجادة
انا كنت كلي ليكي بس كلك ماكنش ليا
كرهت حبى ليكي وكرهت نفسى فيا
انا عمرى ما اتكسرت بس انتى قطمتيني
بعدت عن كل فرض ولسه ربك مش ناسينى
انا كويس حتى اسألى السواد اللى تحت عينى
ملقتش حد ياخد بأيدي فا انا هشد ايدي
اسوأ شئ فالدنيا انك تعيش علي انتظار
نجوم سمايا وعدتنى ليلنا مطول مفيش نهار
سنة واحدة عدت كبرت فيها عمر كامل
بموت نفسى تدريجيا بكل لحظة فاتت
سنة طويلة كل يوم فيها بسنة
سنة واحدة عشت فيها 100 الف سنة
مستنى الفترة تعدى مستنى الايام تحن
وشين لنفس الحاجة كنتى رصاص وانا الحبر
الدنيا واقفة بس الزمن لسه ماشى
يمكن نكون سوا فدنيا تانية مع اختلاف الاسامى
