النور
مكانه مش ف قلبي
حبيبي تسلم مش محتاجك جنبي
شايف حياتي سودة انا سلبي
مش زيك بشوفها بمبي ف بمبي
الحب زي الفيرس ف بلبس كمامة
انتي زي البودرة انا مريض بادمانك
لكل ادمان علاج ف انا هتعالج
عارف اني هتعب بس برده هواصل
بلياتشو لكن من غير ألوان بهتان
صوتي بيعزف لحن حزين، كمان
الليل بيفوت والعتمة تطول وانا لسه ف نفس المكان
مستني حلم كنت بتمناه
مستني الفرح اللي مني تاه
بدور على الالوان، بدور على الألوان
السما مفيهاش نجوم السنة مفيهاش فصول
مفيش غير غيوم والقمر مش موجود
خضار الشجر يزول الربيع مش بيطول
مفيش حد جنبي م انا لوحدي على طول
x2
سايقين قلبي زي العجل
ماشيين ف طريق كله مسامير
ساكنين قلبي شالوا الأمل
سارقين الحب اللي فيه
شاطيء حياتي جزر من غير مد آخر طريقي سد
أحلامي مركب ورق دابت مع الوقت
مفيش ف حياتنا جد
ماشيين بالستر
أيامنا زي بعض مفيش أي فرق
