انا مكتئب
مُنسحب من اي حرب
انا مُنكسر
منعزل و مليش مكان في السّرب
و مليش بلاد
عالحياد من قبل بدأ الضّرب
واقع في حفرة اخراها بيودي
علي قلبي
فا اغرق في الاسي و احتار
بجري في طريقي و كل ما بهدّي
يسبقني تفكيري
فا اكرر المشوار
انا مين
مظنش دة السؤال الصح
انا فين
مفتكرش ان في مطرح
لأمتي
حتي سؤالي بيجرح
و يسبني واقف في الفراغ بنهار
عايشها في الليل مليش نهار
دوقت فيها طعم الحلو و الصبار
مشوار طويل
يا حلم مهواش قليل
انا نفسي في فُرصة
ابقي نجم بكرة
اطول السما بـ أيدايا
و اعرفهم اني بطولي هكون
ان دماغي اللي باقية ليا
و ان فني في يوم هيكون
انا مش مجنون
انا مكتئب
مُنسحب من اي حرب
انا مُنكسر
منعزل و مليش مكان في السّرب
و مليش بلاد
عالحياد من قبل بدأ الضّرب
صعب تفسيري
مليش غير تفكيري
بلاقا ابداعاتي فيه
و دة هنا لية و دة هنا لية
قالوا بيتانك و عاملي فيها بيه
قولت علي قد حالي
معنديش شئ اخاف عليه
قولتلهم بكرة هبقي نجم
مصدقونيش
عيشت ليالي بطولي غم
محسونيش
مفهومنيش
غنيت و ياما حكيت
عمري ما هديت البيت
واحدة واحدة اتبنيت ×2
غنيت علي قد ما غنيت
جوا الحيطان ياما ادريت
انا مين و ابقي اية
بقي عندي فان بـ الالوفات
الكلام جوايا .. لسة ما مات
انا مكتئب
مُنسحب من اي حرب
انا مُنكسر
مُنعزل و مليش مكان في السّرب
و مليش بلاد
عالحياد من قبل بدأ الضّرب
بكرة غُنيا يوصل للسما
و انا مبقتش خلاص انا
غيرت من جلدي كتير
عشان زمان كنت غريب
لازملي تغيير
واقع في حفرة اخراها بيودي
علي قلبي
فا اغرق في الاسي و احتار
بجري في طريقي و كل ما بهدّي
يسبقني تفكيري تاني
فا اكرر المشوار
انا مين
مظنش دة السؤال الصح
انا فين
مفتكرش ان في مطرح
لأمتي
حتي سؤالي بيجرح
و يسبني واقف في الفراغ بنهار
