ويلا غاب الحبيب كندير فغيابو
في كل يوم جديد يزيدني عذابو
وباش نعيش بلا بيه
هذا اللي ما قريتش حسابو
الله يسامح واه يا غزالي خليتي دموعي سيالة
وما جاتني في بالي نوصلو لهاذ الحالة
كنت عندي غالي وعاشرتي من والا
وعشرة من والا كتورث البالا
ما ظنيتك يا خسارة تنكري طعامي
تبعتي الهدارة وهجرتي رسامي
كنت كي الوردة نخاف عليك يا غزالي
بعتيني رخيص وأنا شرتك بالغالي
الحمام يطير ويعلي بولي لوكارو
حمامي أنا ما ولاش ماعرفت مالو
مسا وصباح نتسنى فيه مونس بخيالو
ماظنيت يجي بوم يكون هكذا حالو
أولي يا وا. وفاين مشيتي
أولي يا وا. يا واش جرا لك
أولي يا وا. گاع ما وليتي
أولي يا وا طال غيابك
أولي ياوا. واش نسيتي
أولي يا وا. نسيتي حبابك
أولي يا وا واش بغيتي
أولي يا وا. كلشي ديالك
زينك زين الروم وخا تلبسي دربالة
قلبي بك مغروم خليتني في حالة
أنا اللي غلطان مشيت معاك بالنية
الغرام مالو ثمن بعتي وشريتي في
كنت في سمايا گمرة منورة المكان
تبدلتي في مرة دوروك العديان
جات الصابة الموسم عمر بالسربة والخيالة
وگراگة الحرار وشياظمة ودكالة
قلبي مسكين يتسناك وطال عذابو
مازال مازال حبك شاغل البال
الكية والجرح وفراقك شكون سبابو
صبر أ قلبي داب ربي يبدل الحال
ولي يا وا. داب نولي.
أولي يا وا. ولي لجبابك
أولي يا وا. ولي لصحابك
أولي يا وا طال غيابك
أولي ياوا. دير حسابك
أولي يا وا. شكون سبابك
أولي يا وا في عذابك
أولي يا وا. ولي ليامك
