متربّع على الأرض بغرفة إلي فيها صديق نايم
و عندي حلم و حرفة بس المصير فيها عايم
زي كل إشي في البلد الموضوع قعد
وعد بس ما إجا تحت شو أسّوي بعد
طبعا رنّيت عليه بجوز بدل المرّة عشرة
إيش هاي المزيكا إسمها؟ ز مين إلي نشرك؟
فشرت كل البروباغندا و الرسائل المباشرة
إيحاءات داشرة لقاك فاضي لمّا قشّرك!
أنا و الحياة العملية زي ما تقول منلعب 1 -2
بلاش "يوم نسأل" الواقع ليش ما غيّرتوا
حيّرتوا للشب لما بالمنهاج قيّدتوه
لمّا على المجتمع فلّتوه قام فاع و دق "تتّو"
أنا مش بهت بس مهو كل واحد حر بحاله
كل واحد بيبدي رأية بالطريقة إلي بتحلاله
لو غيّرت رأيي بتصور بدق حنضلة على ظهري
عشان لمّا أسبح بالبحر الميّت تشوفوا وجهه على صدري
لسّا منتعرّض للطرد فما إنتهى العرض
و يابا هذا الراب تاع أوطى نقطة على الأرض
و للنّاس إلي شايفة إنه في إشي ناقص بالأطروحة
مين إلي قلّك إنا ما نرقّص القلوب المجروحة
ع | عقرب الثواني
شأ | شقلبتلي مكاني
شأ | شقلبت المعاني
شك | شككتني بزماني
مين إلي قال إنا ما منرقّص القلوب المجروحة؟
بقلك سكراب "الجبيهة" إنباعت إشتريت مرجوحة
حبّينا إنسلّي الشعب لإنه التلفزيون فلم رعب
و الشارع صعب أبسط لقمة بدها تعب
فإذا على مين العتب؟ مهو بقلك حسب
في عند المزارع بس برى الحسبة لإنه غضب
و في عند التاجر بيتهبّل غترش فكسب
و في إلي على الحدود الغربية سحّل بكسة عنب
أكثر من طلب حطب نار عصب غضب بيسكن فينا
بسوّي لأي فوتون بيتقرّب منا حجب
بلد صغير بس الكوكب عجب
الأمور كيف بتتركّب و بكبسة بتتكركب
فوين أحسن مكان بالغرفة الرزنامة فيه تتعلّق
لإنه بكرة و مبارح قاعدين عم بسألوني عن هلّأ
التغّيرات وين حطّاني مش قادر أحدد مكاني
الساعة إلي معاي "ديجيتال" مش شايف عقرب الثواني!
منتجات مصنّعة خصّيصا بس الخيار إلزامي
إشتريت سيارة جديدة بس مافيها مقعد أمامي
كيف أشغّلها و أطلع عشان أرجّعها على المصنع
مضطّر أقعد بالخلف و للتصميم أخضع!
