هل المدينة غريبة شوي و مش غريبة علي
انا غبت غرقت و رجعت و بتشكي أي ما تغير شيء
لساتو الولد مولع سلكة و النافورة بربيش مي
على وجه الصبح تطعنت بنت و بقولوا طعنها الخي
بلد شمسها قوية احنا مش قد الي بصير بالفي
حطّوا النخوة ع جنب بالإجماع فتركت الحي
زي أي شب حسابه بالسالب قرر ما ياكل مقالب
ما توقّعتوش أترك جبل عمّان زي كي كينيستو هارب
عمري ما قيست الرجولة بخمل الشوارب
عمري ما حددت لحية الهيبستر بضيق الشوارع
تنس بدون مضارب سكاكين بلا انتفاضة
نحرها نحر بدم بارد و الملابس فضفاضة
اتهموني بالنفاق وسط تطرف الرفاق
الآن مندوق المر كفوف ليه عم بتنكروا الغضاضة
هي الطيارة هبطت و بديت بقوة استنشق
أربع سنين بعد كمان دفشة و لساتني بعشّق
بس الله و يا ناس هواها غير تقول البث على وتر
ما شدّدوش الحماية , بدون شدّة , فاستشهد حتر
كلما أترحّم على السلطي سيستاز بحس إني بخطر
أروح أزبطلي ميلف بويسبارز و أعيش فبطر معقولة
موسيقتى بدها فيلم حد عنده نويندو
المشهد خلّص الي عنده و انا لسا عامل كريشيندو
جوبي جوبي فرعي راب مدنية و حياة يثرب
سلمية كنت على كوكب ثاني و كان في شب من إدلب
2011 مالناش عل الجلد معناش نتكتك حركة و عدد
هلئيت النيتو الي فات لو كان غنيتو لمين ابتعد
عالم صاير كله بوليس أنا عامل مصيدة للتنكيس
و عوامل ضغط الشعب و الكبت و لوين و لوين بطلنا نقيس
جيلي واعي طموحي إجتماعي بس الحيطان عالية
الصيصان ملونة ديوك مديونة وعيشة غالية
بعمل أغنية بدور إذا في جواتي إنسان
بعمل راب بأعضاء النطق عشان هويتي لسان
بعمل السبعة و زمتها الجليل قمّتها
عقل طفل ضد الاحتلال العصر في مهد الأديان
نص اصحابي أندر جراوند ... صنعنا أصنصير
فرعك المعدن ذهب و الأصنص غير
قضيت حياتي بفك و بركب شيفرة وكيك درم
انت ع فروتي لوبس بتلهت و انت بتكتب السنير
تعودتوا على التشكيك و الهت تحولتوا لعذر
اشتغل تراكي في المخيم فتحولت لنذر
مش رح ترجعوا بالصفحات هاي لمصحف بن مسعود
ضلوا مرّكّز على الترباي قام طلعله ابن مصعور
مش تعالي منا يا ثورة هالمرة تعالي منا
مش آجار و لا ترحم من العالم ولا منة
حامل حلم غادر حاضر تيتا هاجر
حتى رمزولي بادر حتى رسولي هاجر
الطيار غادر ممكن راح يغيرشيفت
بشغّل بداله شيف بلّشت أبهّر شوفت ؟
الرب رب حتى لو ما بتآمنوا فيه
و مش كل شب عفيف الي فيه مكفيه
كنت ألعب شطرنج و انتوا عم بتقدوا قرابين ..
بديش صكوك غفران منكم... و لا ع الرز تشريب
إيدي بلب الصدر إلي الشرف يا أولو الألباب
الكل بيعرف فرعك ميال لمسألة خلق الراب
استغرابكم شديد و فهمكم غربي للاستشراق
شعبوية مستوردة شعاراتكم فيها استفراغ
أنا و هيك أجواء فراء سيتواصل العطاء
انت واصل الدكان دك آجي معاك انا واصل بن عطاء
كهنوت الراب العربي اندفن هاي موسيقى المدن
لساني تقيل الحكي كبير افتتحت عصر الوزن
بتعرف تكون متزّن البلد ماشية ع حبل كزن
متشائم بس بتعاطى التفاؤل كمضاد للحزن
كافر بالطاغوط أنا عامل مصيدة للجبروت
أنا صانع مقصلة للسكوت أنا شهدوا علي و على بيروت
انا زيت خروع للمكبوت أنا ماسك العروة أنا واصل الذروى
أنا ضارب حز لله العزة انا راضع باودر بز و أنروى
مطخوخ بإجري بس لسا حامل من شعبي وردة للعالم
برة كثير مسالم لإنه بحارتي حرب عوالم
صجن طائر سيجا تو.. قام سعود باغتصاب روبوت
روبو كب على راس أبوك و انا شعبي بسينا لبّسوه!
كلنا رح نشبه بعض لما بنزلونا عدد
من جمعية اللد وورلد وايد لشبه جزيرة العرب
فرع المداخل للابد عدد فرع الشرايين و الغدد
تصبحون على خير و شكرا إلى اللقاء غدا
