مالناش غيرك انت الهنا الحي بنترجاه
جايين ناحيه قلبك بابا الكل امنحنا صلاه
رافعين قلوبنا اليك يا فاتح لنا باب الرحمه
ندخل نقبل ايديك الممدوده لنا بحياه
يا ابانا يا متكلنا من غيرك انت يحن
ومين يجدد امالنا لحياه في ملئ الرضا
انت الاله الي قلت لن يخزي منتظريك
منتظره نفسي ورجوت بالحمد لك والدعاء
يا الهنا حرر وحل من كل ربط الخطيه
وامسك ايدين اللي ذل ولا تنساش اللي تاه
يا ابانا توبنا ليك وفيض علينا بنعمه
تخلي شوقنا اليك يليق بحب الاله
عدي وزور اللي مل او كل تحت المرض
واشفي المطروح وكل من صدق انك شفاه
عزي المحزون وزيد منسوب الفرح له
ده مافيش غيرك يعيد البسمه فوق الشفاه
