ق: سامحنا يا فادينا باركنا يا يسوع

عيوننا بتترجاك مليانة بالدموع

+أنت إلهنا الحي أنت اللي قريب جاى

حاتيجى وتعزينا وتمسح الدموع

+دايمًا نتعدى عليك والعالم يغرينا

قوينا قوينا من فضلك يا يسوع

+تغاضى عن خطايانا عظم لطفك ويانا

وضع يدك علينا وبارك الجموع

+نوصيك بعمل ايديك خدامك والسامعين

خطاه ومؤمنين إوردهم للينبوع

+ولا حاجة نستاهلها من اللي بتديها لنا

دى محبتك غمرتنا نسجد لك في خشوع

+على القلوب بتقرع وطوبى للي يسمع

ويتوب توبة من قلبه توبة من غير رجوع