يارجوله
يا عشره عمري يا رجوله
أنا يشرفني أكون صاحبك
لا عمرك بعت بسهوله
ولا بتنسى إنك إبن أصول
أنا اللي وقفت قدامك
عشان موج الضياع سحبك
شاركتك كل احلامك
و فتنا ف أي باب مقفول
يارجوله
فولان خانك فولان سابك
انا اللي لايمكن أغدر بيك
ولو طولت في غيابك
مكانك برضو مستنيك
معاك في القعده عالقهوه
معايا في زحمة الاوتوبيس
معاك تدفعلي حق الشاي
معاك في الصوره و أنت عريس
يارجوله
بحوش عنك و أسد معاك
معاك أدخل في وسط النار
مشاركك ذكريات وجعاك
مقويك عند أي قرار
معاك لو مش باقيلك حد
بحبك حتى على عيبك
معاك برقبتي وقت الجد
يا صاحبي عمري ماهسيبك
يارجوله
