حب وصداقه من غير شراكه وطلاما احنا جينا مش طالبه فقاقه
الدخلاويه راجعه هتذيع و من الدخيله طالعه .... الانطلاقه
حكايتنا اول ما بدأنا و اول ما مسكنا المايكات
لما الفيلو ظبط توزيعه وقال هنرص عليها كلمات
اول اغنيه ف اسكندريه جت من شارع المهرجانات
قالوا مهرجان الدخلاويه عامل كلام مع دربكانات
قالوا ولا ولا دا مفيش زيينا قالوا ولا ولا مين قدنا
اتسيطنا وسيطنا منطقتنا بقا وحينا
تاني غنوة تدق الباب من الدخيله ارض الفنون
هي حكايه الصحاب كان العميد مع شبح الكون
بعديها جت فرقه × فرقه و اخدت لون
نعمل اغنيه بخمسين حبه × حبه بقت سبعين
اول عيد نحضرو ف المهنه زودنا السعر حبتين
بعد الخمسين والسبعين بقا بـ300 وبقا بـ200
كل واحد بيبدأ صغير ربك بيدي الشقيانين
لما النجاح يبقي بمجهودك يتغاظوا منك الغشاشين
الدخلاويه اتسمعوا ف اسكندريه دي بحر و ميناء
كل الفرق بقى ليها اغاني انا مش بقول احنا لوحدينا
بس الفنون ف أيُها اغنيه من الدخيله تطلع يا اخينا
ف السكه دخل #شاعر_الغيه و الاصدقاء اول ما بدينا
وقالوا #اصدقاء_ثلاثيه طيرنا حمام الغيه
ولعتوا الدنيا بحالها وسَمّع اسمكوا يا دخلاويه
بقى الموزع ويا الكاتب والموضوع احلو وظاط
والتوني نجم المواويل اول ما ذاع ذاع ف الظباط
اوعوا ورا كلماتنا تراجعوا لحسن تتخضوا وتتفجعوا
الباش موزع والباشكاتب بـ الانطلاقه والقصه دي رجعوا
بعديها ذيعنا اتحاد القمه و الغنوة خربت من اولها
وقولنا فيها ارض الدخيله كل العتاوله كدة بيطاطولها
وكل كلمه اتغنت فيها الناس بقت ماشيه و بتقولها
جبنا الكروت تاني علي التربيزة والاصدقاء عملو التعويذة
و المهرجان راح شرق و غرب من القاهرة سمع ف #الجيزة
دة المهرجان راح شرق و غرب من #القاهرة سمع ف الجيزة
حب وصداقه من غير شراكه وطالمنا احنا جينا مش طالبه فقاقه
#الدخلاويه راجعه هتذيع ومن الدخيله طالعه .... #الانطلاقه
والقمه رجعت تاني ع الساحه والكل كدة فاق م الغيبوبه
وقلنا فيها دة مفيش رجوليه دا احنا فلتنا كدة ب اعجوبه
وخدنا مملكه الرجوليه اصل الدخيله ارضنا محبوبه
ورجعنا تسجيل مهرجانات مكنش لسه فيه اوردرات
بالحب بنروح للاعداد ونغني لو يدونا مايكات
لحد ما القمه اتجمعت ومشينا سكه الالبومات
نفذنا كدة اول البوم كلو اتجن يا ناس و إنهار
كان بيقول #الواد_علوش ف مهرجان #الليل_والنهار
والقمه كدة صبحت مسموعه و الالبوم علي المكان دار
قالوا النجاح بيقول ل النجاح بقينا بنولع افراح
عدو لان كان ماعلينا زي التلج ف الشمس ساح
بعديها بدعوا الدخلاويه ولعوا وخربوا الدنيا ديا
تاني البوم للقمه اتسمي ب اسم #الطبقه_الشعبيه
في مهرجان #الفتي_الصغير وكمان #القمه_والجنيه
خططنا لتالت البوم ع الهادي وبراحا شويه
بعد ما سجلناة واتذاع اتسمي #الرابطه_الشعبيه
بقينا نروح حفلات وقاعات و ب الحلال ياعم مرضيه
بعديها كلو بقي يجلي واحنا نذيع جامد و نعلي
ف كل حاجة بقينا نتقاسموا يجيلنا الرزق ع النبي نصلي
رابع البوم كان اسمه القمه و #دنيا_الترلالي
خامس البوم لينا يا شقيق كان في كلام ف المعني جرئ
اتكلمنا عن الصحوبيه وع الرجوليه وكنا فريق
سمينا الالبوم ب اسم القمه وقولنا دي #القمه_ع_الطريق
بعديها سجلنا #اسلام_فانتا وقولنا #الحاله_تعبانه_مش_قادرة
وسمعت ف الدنيا بحالها وبقو يسمعونا محامين ودكاترة
قولنا نذيع افكار جبارة طول ما الموهبه عندنا حاضرة
قررنا نعمل #دربكه و نرج الدنيا اجمد رجه
ابعد وبلاش فذلكه للدخلاويه توسع سكه
#فرتكه_فرتكه #طبله و #سكسكه اخر البوم كان #الضجه
وفظهرها سجلنا سناجل الي يعادينا بقا بيتاكل
ورجعنا العيد دة ب الانطلاقه وهو دوة #الخبر_العاجل
اتعب و اشقا ودوق المر عُمر النجاح ما كان بسيط
عشان تنجح وتستمر كل يوم طلع جديد
لو تتقي ربك يديك وب الحلال يا زميلي يغنيك
والناس بحالها تحكي عليك منك نتعلم ونستفيد
ابو نيه صافيه مهما اتغرب عمره ما يعيش يوم وحيد
اما الغشاش دة مهما يعلي هيجي يوم ينزل اكيد
حب وصداقه من غير شراكه وطالمنا احنا جينا مش طالبه فقاقه
الدخلاويه راجعه هتزيع ومن الدخيله طالعه الانطلاقه
