ديما رقيلي وحدي ما نبيش اي خلطه
من برا عادي من جوا العروق متجلطه
الجندي فاز اما بوفا خاسر في حربه
مايبيتش وقتي يرد في الضربه Soldier
نفس الحال كمشة كبّاني ع الداير
بيش الكل يدوخ ننسوا في لبلاد شن صاير
مخطة خضراء حرّاقه من غير عصائر
ديمه نحمد في ربي بعد نذكر انّي زائر
فاني مع لي فانوا ميت في المشاعر
حبي بس لشّوكه الي طلعت منها شاعر
انا مهنتش كيف لي هانوا انا بعت لما باعوني
عندي اصحاب في الحبس والقبور الفقد واعر
مش حتفهم حالتي مش حاتعرف كني
بساعه نرجى فساعتي كان روحي تطلع مني
كان حلال يا نفسي نديرها نخليك اتهني
نعلق حبل مشنقه ونكتب بوفه قتلني
شن نحكيلك عندي واجد مواضيع
شن تبي تعرف انت تشوف في جيل يضيع
شن تبي تشوف مانك شفت بشر اتبيع
مانك شفت لي راحو منك في اول هبت ريح
شن تبي تعرف انت اكثر مني يناظر
ايديك حديدك وقت سلاح كنك شاطر
بحت في الواقع فتح من كل المناظر
حتشوف ليبيا جنه , جنة المقابر
حنبقو ندوخوا لعند الوقت يدق الباب
حتبقى أحلامنا رعب عايشين في كابوس
شوية وقت ونقعدوا شباب شيّاب
مش متاع الطيب بس تمشي مع السوس
حتى الي كاين في حياتك ناير غاب
بروحك تعافر تاخذ كف عرم ادروس
ما تخليش طموحك فن بذات تغني راب
تقعد غبي كنك تحسبها اتجيب في فلوس
في نيتي نسيب بس نبيش يقولوا طاح
مانش معلق بس في نفسي جندي صاح
تمشي يا برذر قالو يالي راح راح
لازم نمشوا كيف ماقالوا اصلا ماقالوا الا الصاح
كثرت الضي تجيب ظلام القلب تحجر
والوقت امسخ ورانا الي كان متنكر
والدنيا تبرم عالي قد لي درته تحصل
ركز تفهمهم تلقاهم دعاية اتمثل
مش كل صاحب رفيق كلمة رفيق كبيرة
رافقت اخر درج مش ولد المديرة
من يومي كنت نعرف حقايق كبيرة
قالوا الأرض سطحيه قلت الدنيا جزيرة
قلت الدنيا دوارة توا ادور الدور يجينا
بلكي من الميناء ولا مطار المدينة
مش قاعد هنا سارح في ايامي القديمة
مستقبل كيف الزفت نكهة لمعيشه شينة
مزال نقضوا كم مزال وكم قضينه
مدام ندوخوا مش حتجي ورقة لفراج
العمر يعدي العربي ماقال الا الزينة
يجي وقت ونقولوا يا عوين الي مات
