اللي عاش حواديتنا يحكي لك علينا
مهما كانت صعبة كانت سهلة بينا
فاتت أيام ما كانتش عايزة تفوت ساعتها
صعّبتها الدنيا ناسنا هوّنتها
وفي قلب الشدة لمتنا ياما أمّنتنا
وقفتنا جنب في جنب ياما طمّنتنا
باصين قصادنا و استفدنا م اللي عدّى
أصعب ظروف هي اللي عملتنا النهاردا
متسهِّلة السنين كل ضحكة بتتقسم بينّا
طول ما احنا عايشين لحظة الفرح بتقوي كيانّا
احسب بأجمل مشاعر مش بالسنين والليالي
ارجع وعدّ الحبايب هتلاقي في العمر غالي
لسه حافظين الشوارع حتة حتة
واحنا عزوة كبيرة ما احناش خمسة ستة
هنا كل سنين عمري اللي عدت واللي جاية
كل واحد شافني يحكي لك عليا
هنا يوم عن يوم بكبر وانا وسط اللي مني
بسبق أحلامي وأسيبها هي اللي تلاحقني
ماعرفش ظروف ماعرفش غير قوة ايديا
ما بصعّبهاش علشان بشوف الحل فيا
متسهلة السنين كل ضحكة بتتقسم بينّا
طول ما احنا عايشين لحظة الفرح بتقوي كيانّا
احسب بأجمل مشاعر مش بالسنين والليالي
