" بحسك فرض صلاة الصبح و الناس نايمة
منشتقلك منسهرلك شهر و الناس صايمة
غريب شو متل القهر وشك
تجاعيد دهر
بحسك شباك بيغرق اذا شاف الشمس
ادن بصيبها الطرش اذا سمعت همس
او عين تالتة،متل السعادة فيكي
منسمع عنها و ما منشوفها
قولي بيرضيكي؟
قولي انتِ متلي؟ سؤال غريب!
يلي انتِ بحد ذاتك،ذاتي القريب
زاد الطريق طول بس النهاية وحدة
الحكاية منك بشتوية حروفها بتجي لحشة
لحظة
اجتني الرعشة
اشحلي نعشك
اتركيني نام على صدرك،نومي جسمك
و هاد مو ايحاء جنسي،ملامسة اكتاف
دموعي طقسك يلي شتاءك ما بينشاف
لأني ببكي بقلبي..انا الشفاف
ف مفضوح بحزني العابس بالأفراح
متل نعام ع حبل سيرك عم يتخبا بالأكتاف
خدي الاماكن كلها يا اخر حنين
بدن كل الشمس جوا الارض لحتى الأرض تسيخ
بس بتضلك انتِ وحدك لأنك بيت الامس
معلقتني بذكريات عم تحرقني على السكت
من اطول شعرة براسي لأصغر اصبع بالاقدام
بتطلع بالصور أحلى ف بحب شوفها بالأفلام
بتدلع ع مهلها لحتى غنيلها الشارات
بس برفض
بمثلها ياهن لأني بحبها فعلأ مو بس كلام
بتطلع بقلبي أحلى
و لو انك ابعد كنت قادر شوفك
بس انت بقلبي
و انا قلبي ابيض و اسود قديم و واضح كأنو خيط
انا قلبي سمك يلي عيونك شبكة صيد
مختلف ذاكرتو حيط قلعة ما بينسا ضيف
سلعة و قال بدها بيع حتى تكمل المشوار
بتخجل بيحمر شريطها كل ما تطلع بالاخبار
قومي افتحي الدراما بحكاية ارض و موت
احكيلن عن الخاصرة يلي طلعت منها الروح
و ما اولدنا فعلاً نحنا متنا مع كل نفس
عم ناخدو بقلب القفص اللي حابينوا رغم العمى
عمل جرحي اندمل؟ شايف امل؟
فرحة و بلد؟
على كتافي حامل ولد كان بقوتو جبل و نسمة رصاص الحرب
قلي كيف هالنسمة شالت جبل ؟ "
