إسمك يا شربل شو كبير غطّى بحروفو الدني
عشت بحياتك فقير وبمحبة ربّك غني
اعطينا متلك نمشي طلوع وما نرضى نفارق يسوع
لكلماتو نعطش ونجوع ومن إنجيلو نغتني
إسمك يا شربل شو كبير غطّى بحروفو الدني
فراشك قشّ ومش ندمان والمخدة حطب قاسي
كنت بعذابك إنسان مبسوط وفقرك ناسي
لأنك كنت مآمن إنو هالدنيّ سراب
الخلايق والمساكن آخرتن حبات تراب
ما بتبقى إلاّ السما بالإيمان بتنبني
إسمك يا شربل شو كبير غطّى بحروفو الدني
أداء: أ. جان عقيقي
كلمات : جورجينا عريضة
ألحان، توزيع وتسجيل: جلال بوسيك
