اتوسخت عن اللزوم ، بصحي كل يوم واقوم

مش دُة نومي اللي هربت لي من كل الكون

وكابوس كان فيا مكتف فا طبيعي اقوم مقريف

طب قولي امتا هعيشها وابطل ف ضحكي ازيف

..

عايشها بطولي ف حزني خدت دور بطولي

مفيش ف يومي بس ف المصلحه اكيد هيجولي

متقولي : ان انا السبب وساعتها هصدق

كنتي بر وليكي اروح وكل مره كنت بغرق

..

حزني ضحكلي ، وقت ما كله صدر وشه الخشب

انا معاك وجنبك ، وفاجاة صدا الدهب

قلبي اتخدش خدي ب الاقلام اتلوش

دايما ساكت بس ف عقلي ناس لبش عامللي نوش

..

انا اللي خسرتك وبـ ايدي انا اللي حاربتك

فيني مش لاقيني معايا ياستي شايفه خيبتي

فترات كات فيك تأذيك وتدغدغ جسمك

وبطبعي بكدب فا مش هقولك تاني بحبك

- - -

انا ليه بتركن وليه ومحدش فضل

رايحه ف سابع نومه وبعدك رمشي عمره ما غفل

جوه مني شياط جوه مني قايد نار

انا ليه بتعشم .. ما كلها فترات

-

وحقك تمشي ، منا اصلا مني سايبني

قولتلك وانتي ضحكتي "محدش كان حاببني"

وانا مش ملاك وغلطت وكلي عيوب

كان بينا وعد ودلوقتي قايمه بينا حروب

..

Farouk

ااي في ايدي متقدمش ، برجع مبتقدمش

هاتلي اي شئ عملتو وبعدها متندمش :"

حبك غش , كام مره اتخنت كام مره احن

حبك كدب خلص تفكيري والمرادي خلص الحبر ..

انا بحس , كان المفروض تراعي يعني كلامك

انا مش بنام لما اتهد ولا بناملي بالبرشامه

جبته لنفسك , بتمسك في اي الي راميك

كله سك بابه , قولي لمين هروح وهلجئ ؟

كل البيبان اتسكت , قلبكك كان ملك واتسكن

انا بقيت مريض , انا في اي علاقه بقيت بشكك

هزو ثقتي ٫ وهزو نفسي , تقريبا العيب في قلبي

انا اكتر حد وحشني , خلاص سلام ومش هلجئلك ..

طريقي بعدك ضلم , حضنك معدش يطمن

كله قالي خانت وقولت غيرهم كنت مصمم :")

راهانك انا خسرته , جوايا اشخاص وكتيرو

خناقه بين عقلي وقلبي ، ما كفايه انتوا كبرتوا

انا ليه بتركن , وليه محدش فضل ؟

رايحه في سابع نومه وبعدك رمشي ما غفل

جوا مني شياط ، قلبي بيولع قايد نار

انا ليه بتعشم ! ما كلها فترات

وحقك تمشي ، منا اصلا مني سايبني

قولتلك وانتي ضحكتي "محدش كان حاببني"

وانا مش ملاك وغلطت وكلي عيوب

كنا بينا وعد ودلوقتي قايمه بينا حروب