مين مع مين
مين معايا ومين عليا
احنا فين هي فين الدنيا ديه
انا هتكلم كله سكوت هي الدنيا ساعات وتفوت
كله بياخد منها نصيبه
اللي تخاف من قلب حبيبه
واللي تملي بينكر عيبه
واللي ما بين الحيا والموت
كله بيرمي العيب علي غيره
اللي بياخد لقمه غيره
واللي يعيني بيخلص خيره
يبعدوا عنه ولو هيموت
الايام دي بقت بتخوف
ملناش فيهايا قلبي مكان
مبقاش فينا حد بيعرف
مين الخاين م اللي اتخان
كله بيجري ويرمح فيها
وبتتشقلب علي بعضيها
اللي مخلي عليها واطيها
واللي موت علشان القوت
اللي بيخسر كل احبابه
هو اللي بيجي علي شبابه
واللي باع ف الشده اصحابه
واللي بيصرخ من غير صوت
المظلوم بقي زي الجاني
كله بيشكي كله اناني
يضحك مره ف وش التاني
ولما تجيله الكوره يشوط
دنيا وطلعت زي السيما
الاخلاص بقي موضه قديمه
واتفرجت بنيه سليمه
شوفت مهازل جوه بيوت
انا جربت الحب واديني
اللي عشقته مطلع عيني
كل ما بفرح بيبكيني
وانا كان نفسي يكون مبسوط
بس ياقلبي خلاص بزياده
مبقاش نافع لاده ولا ده
هو مفيش ف الدنيا سعاده
ولا الفرح خلاص بتروح
