لَوين

راكضة يا هالدّني لَوين

سنة لميّة سنة قوام

لأ مش رح انحني و قبلان

حدا بس يقلّي لَوين

راكضة يا هالدّني و راكضين

عَ دعسات طرقات مفروضين

أكلتنا و نسّتنا نحنا مين

و معجوقين و مهمومين

شي مرّة افتكرت تختلي بنفسك

تترك سير الحشود

تفتّش عَ طريقك تفتّش عَ حقيقة

تحرّك فيك الوجود

لَوين بدنا نروح من وَين بدنا نجي

كل مين بالو بهمّو تركها كيف ما تجي تجي

ماشي بهالتيّار انتصار ورا انت صرت

مركّب راس حمار بهالخيار بعرف انت ضجرت

وما بيعنيلك شي ومشّيك و مشّي

ومثلك ماشي كتار و الكلّ عم يغرق فيه

خلّا قلبك نار و عم تحلم يشفيك

واللّي فيك ليل نهار بتجرّب تطفيه

بس نورو بركان ما بيسأل عَ شي

محروق

انسان

دربو مسروق

تعبان

ما تقلّي روق سؤال

قلّي لَوين

حدا بس يقلّي لَوين

مرفوض

حلمك يوعا و يستلم و يقود

عقلك صار مبرمج عَ المفروض

روحك نحطّلها ميّة حدود

حدا يجي يقلّي لَوين

حدا بسّ يقلّي لَوين

راكضة يا هالدّني و راكضين

و مقتنعين انّو مش قادرين

حدا يجي يقلّي لَ أمتين

معميّين و ناسيين

شي مرّة افتكرت تختلي بنفسك

تترك سير الحشود

تفتّش عَ طريقك تفتّش عَ حقيقة

تحرّك فيك الوجود

شي مرّة افتكرت تفتكر بفكرك

سوسة بتمحي بتكتب فاتت عَ نصّ وكر وكرك

مضمونها مرسوم مش مفهوم أوّل مرّة احترت

شفت عَ المسار ناس كتار مشيت و ما عبّرت

تركت كلّ شي فيك لي بيعنيك عم بعنيه

اخترت ترضي الجوع والموجوع ناسيه

من أوّل لحظة خسرت لمّا بطّلت تسقيه

جروحه كلّها هجرت بعدك مش ناوي تداويه

و بالتزييف عم بتدوب تتموّه وتروح

مهدود زعلان

مثل شي حوت غرقان

خلص رح روح قرفان

حدا يجي يقلّي لَوين

حدا بسَ يقلّي لَوين