معناش حاجه لحد
ومحدش يجى ع السكه
علشان بنتعالج
وواقفه معانا على تكه
دوغرى اللى هيسوقها
هيصبح دمو هنا بركه
خصمتو هنخصم
وشوفو معاكو جايه بأيه
بس اللى هنقابلو
دا مش هنسمى مره عليه
ياسواد ليلو يا ويلو
اللى فيكم يوم تجيبو رجليه
تبنيد بتبنيد اتنبدت
لو مين قصادى أنا مش هعتمد
هاخدلى كام خربوش نفترض
مش فارقه جسمى مضحى أنا بيه
بالكذلكين هتنططلكو
هلعب بطولى معاكو كلكو
ع الارض وقتى يسيح دمكو
اتخن تخين يكرف هديه
مين جاى منو فى جوله سريعه
جرارى موت ضرباتو فظيعه
بندب بسمع فى السميعه
الطورقه فى انتظار الابطال
اخصامنا نبحت نبح الطاعه
بندب فيهم اكتر من ساعه
عايزين نشوف للهلس شجاعه
هتروحو فين كلو هيتطال
حربونى بمدافع
عشان يدوى انتو مش صارفين
اتخنكو مش نافع
بلاش تتنططو بسكاكين
فيكم بطولى رافع
ومبتفرقش تيجى مع مين
اسفلت زنزانه
هودى معاكو مابجليش
تتعاملو بخيانه
هدور فيكم التلطيش
اشكالكو فاكسانه
بطلكو اسف مايشغلنيش
اجعص مافيكو فى عنينا كارتون
ما يهز شعره ورب الكون
ماتكررتوش بس فى تليفون
ماتعملوش والنبى حلوين
من امتى حد بيشهدلكو
بتفخدو ومعروف عندكو
الكارف بقا يجرى فى دمكو
هنا شغل ضيق مش عايزين
طول مانتو خونه و بتمليسو
هتعيشو طول عمركو تلبسو
عمر العول ما هيتميزو
ماتسرقوش ع الدوغرى كروت
طقم النداله عليكو مسطره
مظابيط صحيح لكن من وره
عاملين سوابق ولاد المره
وهما اجدعهم هلفوت
الانتداب حق
ولابد من اللقاء الان
ياعويل هتتزق انت حر
انت اللى راح تتهان
افعل بقا يا بوق
وبلاش تتحاما فى السجان
اخواتنا هتوسع
وهبقا أنا وأنت مين هيحوش
وبغل أنا هرزع
ياض انت وقعت مع مطروش
كورباجى بيلسوع
مفيش مسجون هنا ماداقهوش
لو حد قام من على مصلبو
فى وشو بالجرار هضربو
عايزين تشوفو من عينى جربو
هكسر بنفسكو جوا الدوره
مبشوفش ليكو أفعال وانا قايم
هتعورونى غفلو وانا نايم
انا مش بتاع جعجعه وشتايم
من ضربه واحده أنا بنهى الفوره
انا خصمى لما سحب معلقه
خليتو جوا الأوضه تريقه
أنا عندى ازور حبل المشنقه
ومسيبش شبر فى اوضتى لكلب
قتيل مجعبد على فرشتى
رابط القماشه من فوق روكبتى
هتحولونى هسحب نصلتى
حذرت قولت اركنو على جمب
كاتمين على نفسكو
وغصبا عنكم إحنا أساس
هنا تاخدو على راسكو
مفيش معلش ولا فيه خلاص
لو جت على مقاسكو
ماتتعزش يا اوسخ ناس
حارقينكو بزياده
عشان مش زيكو ياهلافيت
فى الوش كالعاده
تبوسو ومن ورانا تخبيط
أعدائنا متكاده
عشان بالحب خدنا الصيط
أصحولنا داحنا صحاب البلد
اللى يعادينا فى يوم ما اتولد
فى ضهر بعض ودايما سند
مع اى حد فى اى مكان
راجل واحد ع الموت كلنا
مالناش كبير يابا غير ربنا
ع الارض مين بيحددلنا
مابنعتمدش فولان و فولان
قدامنا هاتو على وره برطعو
هنا لو كرفتو هتتقطعو
ع التربه وقتى هتتشيعو
مفيش معانا ولا سين ولا جيم
مسيطرين دايما لينا هيبه
مش زيكم راكباكم الخيبه
من بوقنا ما تطلعش العيبه
يشهد علينا جديد و قديم
